فیڈرل بورڈ آف ریونیو (ایف بی آر) کے چیئرمین شبر زیدی نے کہا ہے کہ نومبر میں 334 ارب روپے محصولات اکھٹے کیے ہیں جو کہ گزشتہ سال کے 5 ماہ میں اکھٹے کیے گئے ریونیو سے17فیصد زیادہ ہیں۔
ذرائع کے مطابق حکومت نے رواں مالی سال کے پہلے 5 ماہ میں 1617 ارب روپے کے محصولات اکھٹے کیے جبکہ گزشتہ مالی سال کے پہلے پانچ ماہ میں 1106 ارب روپے کے محصولات اکھٹے ہوئے تھے۔
ذرائع نے بتایا کہ گزشتہ سال کے مقابلے میں رواں مالی سال کے پہلے 5 ماہ میں 511 ارب روپے زیادہ اکھٹے ہوئے ہیں۔
دوسری جانب چیئرمین فیڈرل بورڈ آف ریونیو (ایف بی آر) کے چیئرمین شبر زیدی نے سماجی رابطے کی سائٹ ٹوئٹر پر بتایا ہے کہ ایف بی آر نے نومبر میں 334 ارب روپے محصولات اکھٹے کیے ہیں جو کہ گزشتہ سال کے 5 ماہ میں اکھٹے کیے گئے ریونیو سے17 فیصد زیادہ ہیں۔
Alhumdullilah, FBR has collected Rs 334 billion during the month of November 2019. This is 17 percent more than last year’s collection for the comparative five months. Upto last month the overall increase was 16 percent.
— Syed Shabbar Zaidi (@ShabarZaidi) November 30, 2019
انہوں نے کہا کہ گزشتہ ماہ تک مجموعی طور پر ریونیو 16 فیصد زیادہ اکھٹا ہوا ہے۔
یاد رہے کہ گزشتہ دنوں چیئرمین ایف بی آر شبر زیدی نے کہا تھا کہ اکتوبر میں 320 ارب روپے کے محصولات اکھٹے کیے جو گزشتہ سال کے اسی عرصے میں حاصل ہونے والے محصولات کے مقابلے میں 16 فیصد زیادہ ہیں۔