رحیم یار خان میں بیٹی ونی نہ کرنے پر بااثر افراد نے مبینہ طور پر علاقے کے نمبردار کی ناک کاٹ دی اور ٹانگیں توڑ دیں۔
رحیم یارخان کے علاقے رکن پور میں اصغر نامی شخص کو تشویشناک حالت میں شیخ زید اسپتال منتقل کر دیا گیا۔
متاثرہ شخص کا کہنا ہے کہ بااثر افراد کو شک تھا کہ بھتیجے کے ان کے خاندان کی لڑکی کے ساتھ تعلقات ہیں جس پر انہوں نے بیٹی کو ونی کرنے کا مطالبہ کیا۔
اضغر نے مزید بتایا کہ بیٹی کو ونی کرنے سے انکار پر 8 سے 10 افراد نے تشدد کا نشانہ بنایا، ناک کاٹ دی اور ٹانگیں بھی توڑ دیں۔
تھانہ رکن پور کی پولیس نے واقعے کا مقدمہ درج کرتے ہوئے ملزمان کے خلاف کارروائی شروع کر دی۔
