بھارتی طالب علموں کی پاک بھارت امن کے لیے واہگہ بارڈرتک سائیکل ریلی

بھارتی طالب علموں کی پاک بھارت امن کے فروغ کے لئے انڈیا گیٹ سے واہگہ پارڈر تک سائیکل ریلی

بھارتی طالب علموں کی پاک بھارت امن کے فروغ کے لئے انڈیا گیٹ سے واہگہ پارڈر تک سائیکل ریلی
نئی دہلی،بھارت(ڈی این ڈی): مختلف بھارتی یونیورسٹیوں سے تعلق رکھنے والے 25طلبا کے ایک گروپ نے پاکستان اور بھارت کے مابین تعلقات اور دوطرفہ امن کے فروغ کے لئے جمعہ کے روز انڈیا گیٹ سے سائیکل ریلی نکالی جو کہ 15جنوری کو واہگہ بارڈرپہنچی گی۔

rally3-e1451668860597

ایک سابق طالب علم اور سماجی کارکن پروین سنگھ کی قیادت میں نئی دہلی کی مختلف یو نیورسٹیوں سے تعلق رکھنے ولے 25طلبا پر مشتمل ’’پیپل فار پیس‘‘نامی گروپ کی انڈیا گیٹ سے واہگہ بارڈر تک سائیکل ریلی کا مقصد پاکستان اور بھارت کے درمیان تعلقات کو بہتر بنانے کی ضرورت کے بارے میں آگاہی پیدا کرنا ہے۔

سینئر صحافی کلدیپ نیئر اور ایڈوکیٹ پرشانت بھوشن نے یکم جنوری برو ز جمعہ کو انڈیا گیٹ سے سائیکلسٹس کو رخصت کیا۔حیدر آباد سے تعلق رکھنے والی چھ لڑکیاں بھی سائیکل ریلی میں حصہ لے رہی ہیں۔

rally2-e1451668671276
اس موقع پر پروین سنگھ نے پاک بھارت تعلقات کی بہتری کی ضرورت پر زوردیتے ہوئے کہا کہ دونوں ہمسایہ ممالک ہتھیاروں کی دوڑ میں ایک دوسرے پر سبقت لے جانے کے لئے اربوں روپے ضائع کر رہے ہیں ۔انہوں نے کہا کہ دونوں ممالک اپنی غریب عوام کو درپیش مسائل کو حل کرنے کی بجائے ہتھیاروں کی فروخت میں زیادہ پیسہ خرچ کررہے ہیں۔

انہوں نے کہا کہ اس وقت ہمیں علاقائی سے لیکر عالمی سطح تک بہت سے سماجی و معاشی مسائل درپیش ہیں جن میں غربت میں اضافہ، ہسپتالوں کی کمی، پینے کے صاف پانی کی عدم دستیابی، طلباء کے لئے ہوسٹلز کی کمی، امن و امان کی مخدوش صورتحال، سرحدی تنازعا ت اور جنوب مشرقی ایشیائی خطے میں عدم معاشی استحکام وغیرہ شامل ہیں۔ پروین سنگھ نے کہا کہ ضرورت اس بات کی ہے کہ ان مسائل کو جلد از جلد حل کیا جائے ۔

praveen-singh-rally-e1451669388197

واضح رہے کہ یہ تیسرا موقع ہے کہ یہ گروپ پاک بھارت تعلقات کے فروغ کے لئے سائیکل ریلی کا اہتمام کر رہا ہے ۔اس سے پہلے 2013میں کنیاکماری سے واہگہ بارڈر تک پہلی بار سائیکل ریلی نکالی گئی جبکہ 2014میں دوسری بار ڈی یو شمالی کیمپس سے واہگہ بارڈر تک ریلی کا اہتمام کیا گیا۔

Facebook
Twitter
LinkedIn
Print
Email
WhatsApp

Never miss any important news. Subscribe to our newsletter.

مزید تحاریر

تجزیے و تبصرے