حزب اسلامی کے سربراہ اور سابق افغان وزیر اعظم گلبدین حکمت یار کا کہنا ہے کہ جب تک افغانستان میں غیر ملکی فوجیں موجود ہے،امن قائم نہیں ہو سکتا۔
داعش کے خلاف سرگرم کرد ملیشیا کی عسکری تربیت کی غرض سے امریکی عسکری ماہرین ترکی سے متصل شمالی شام کے علاقے عین العرب(کوبانی) پہنچ گئے ۔
نائیجر میں بوکوحرام کے حملے میں 18افراد ہلاک ہوگئے، جبکہ جنگجوئوں نے 100گھروں کو نذرآتش کر دیا۔
سعودی عرب کے وزیر خارجہ عادل الجبیر نے کہا ہے کہ شام میں عسکری کارروائی کا آپشن موجود ہے۔
برسلز کی جامع مسجد سے مشتبہ پیکٹ ملنے پرمسجد خالی کرا لی گئی،برسلز میں خوف کی فضا میں مزید اضافہ ہو گیا۔مشتبہ پیکٹ برسلز کی جامع مسجد کے داخلی راستے سے ملا۔
روسی صدر نے امریکاپر اپنے طیارے کا روٹ ترکی کو بتا نے کا الزام لگاتے ہوئےکہاہے کہ جس وقت طیارے کو ایک مقام سےگزرناتھا،عین اسی لمحےمارگرایاگیا،کیاروس نےاس لیےامریکاکومعلومات فراہم کی تھیں؟
اقوام متحدہ کی جوہری توانائی ایجنسی کے سربراہ نے کہا ہے کہ اگرچہ جوہری ڈیل کے بعد ایرانی جوہری سرگرمیوں میں کمی آئی ہے، تاہم یہ بات یقین سے نہیں کہی جا سکتی کہ یہ ایٹمی پروگرام پرامن مقاصد کے لیے ہے۔
دہلی میں تاریخ کی سب سے بڑی ڈکیتی ،بینک کی کیش وین سے ساڑھے 22 کروڑ روپے چوری کرلئے گئے ، ایک دن بعد پولیس نے وین ڈرائیور کو حراست میں لے لیا۔
فرانس اور روس شام میں دہشت گردوں کے خلاف حملوں سے متعلق معلومات کے تبادلے پر متفق ہو گئے ہیں، تاہم صدر بشار الاسد کے مستقبل پر دونوں ملکوں میں اختلافات برقرار ہیں۔
امریکی صدر کی رہائش گاہ وائٹ ہاوس کا جنگلا پھلانگ کر اندر داخل ہونے کی کوشش کرنے والے شخص کو سیکیورٹی اہلکاروں نے گرفتار کر لیا۔
