رابی پیرزادہ کا دین سیکھنے اور سکھانے کا عزم

شوبز کو خیرباد کہنے والی گلوکارہ رابی پیرزادہ نے سال نو کے آغاز پر مذہبی تعلیمات پر عمل اور اسے پھیلانے کے عزم کا اعادہ کیا ہے۔

گزشتہ برس رابی پیرزادہ اپنی مخلتف ویڈیوز اور تصاویر شیئر کرنے کے باعث سوشل میڈیا کی زینت بنی رہیں۔

اس کے علاوہ انہوں نے سماجی رابطوں کی ویب سائٹ ٹوئٹر کے ذریعے شوبز کو خیرباد کہنے کا اعلان بھی کیا تھا۔

گلوکارہ نے کہا تھا کہ ’میں رابی پیر زادہ شوبز سے کنارہ کشی اختیار کرتی ہوں، اللہ تعالیٰ میرے گناہوں کو معاف کرے‘۔

تاہم اب رابی پیرزادہ نے سال نو کے آغاز پر انسٹاگرام پر ایک ویڈیو شیئر کی ہے جس میں انہیں قرآن پاک ترجمے کے ساتھ پڑھتے دیکھا جا سکتا ہے۔

ویڈیو میں دیکھا گیا کہ رابی پیرزادہ ایک مذہبی شخصیت کی رہنمائی میں قرآن پاک کی تلاوت کر رہی ہیں اور ترجمے کے ساتھ پڑھ رہی ہیں۔

View this post on Instagram

For complete video https://youtu.be/QEoDrgkRswo کب سے میں لائیو قران ِپاک کی تلاوت کر رہی ہوں۔ مگر اس نئے سال میں مجھے دین سیکھنا اور پھیلانا ہے۔ اور وہ بھی ترجمے کہ ساتھ۔ کچھ وقت اللہ کو دے کر آپ بھی دیکھیں کیا پتہ آپ کی زندگی بھی بدل جائے۔ Islam is the second largest religion in the world after Christianity, with about 1.8 billion Muslims worldwide. But most of them haven’t studied the real meanings of Quran. I started reading and understanding Quran but not alone. I want all of you to be with me, let’s spread the words of Allah. May we all get HIDAYAT. #chotisibaat

A post shared by Rabi Pirzada (@rabi.fairy) on

مذکورہ ویڈیو کی وضاحت دیتے ہوئے رابی پیرزادہ کا کہنا تھا کہ کب سے میں لائیو قرآن پاک کی تلاوت کر رہی ہوں، مگر سال نو میں مجھے دین سیکھنا اور پھیلانا ہے اور وہ بھی ترجمے کے ساتھ۔

ویڈیو میں رابی پیرزادہ نے پیغام دیا کہ اللہ نے ہمیں مسلمان پیدا کیا ہے تو ہمیں مسلمان بن کے دکھانا چاہیے۔

ان کا کہنا تھا کہ ہم سب مذاہب کا احترام کرتے ہیں لیکن جن لوگوں کے پاس اسلام کی تعلیمات نہیں ہیں چاہے وہ کسی بھی مذہب سے تعلق رکھتے ہوں وہ ایک بار اسلام کے بارے میں ضرور جانیں۔ جزاک اللہ!

رابی پیرزادہ نے کہا کہ ’کچھ وقت اللہ کو دے کر دیکھیں کیا پتا آپ کی زندگی بدل جائے، اللہ ہم سب کو ہدایت دے‘۔

رابی پیرزادہ کی جانب سے اسلامی تعلیمات سیکھنے اور اسے پھیلانے کے عمل کو کچھ مداحوں نے قابل ستائش قرار دیا اور ان کو دعائیں دیں۔

Facebook
Twitter
LinkedIn
Print
Email
WhatsApp

Never miss any important news. Subscribe to our newsletter.

مزید تحاریر

تجزیے و تبصرے