راولپنڈی میں حادثہ، میٹرو بس سے گرکر طالبہ جاں بحق

راولپنڈی میں رحمٰن آباد میٹرو اسٹیشن کے قریب تیز رفتار میٹرو بس کھمبے سے جا ٹکرائی جس کے نتیجے میں ایک طالبہ جاں بحق ہوگئی۔

عینی شاہدین کے مطابق اسلام آباد جانے والی میٹرو بس نمبر 061 تیز رفتاری کے باعث کھمبے سے جا ٹکرائی جس سے بس کا دروازہ کھل گیا۔ دروازہ کھلتے ہی میڈیکل کی سمیرا نامی طالبہ بس سے باہر جا گری اور اسی بس کے ٹائر تلے آکر جاں بحق ہو گئی۔

واقعے کی اطلاع ملتے ہی تھانہ صادق آباد پولیس موقع پر پہنچ گئی اور لاش کو ڈی ایچ کیو اسپتال منتقل کر دیا۔

پولیس کے مطابق ڈرائیور موقع سے فرار ہونے میں کامیاب ہو گیا جبکہ حادثے کی وجوہات تاحال سامنے نہیں آسکیں۔ اس حوالے سے تفتیش جاری ہے۔

واقعے کے بعد نجی کالج کے طلبہ سراپا احتجاج ہیں اور ڈی ایچ کیو اسپتال میں جمع ہونا شروع ہو گئے۔

طلبہ کا کہنا ہے کہ ڈرائیور کی غفلت کے باعث حادثہ پیش آیا۔ انہوں نے الزام لگایا کہ میٹرو انتظامیہ کی ملی بھگت سے ڈرائیور فرار ہوا۔ معاملے کی شفاف تحقیقات نہ ہوئی تو میٹرو ٹریک بند کر دیں گے۔

Facebook
Twitter
LinkedIn
Print
Email
WhatsApp

Never miss any important news. Subscribe to our newsletter.

مزید تحاریر

تجزیے و تبصرے