لال مسجد کے سابق خطیب مولانا عبدالعزیز کے خلاف کارروائی کا فیصلہ کر لیا گیا ہے اور ان کی گرفتاری کیلئے رینجرز و پولیس اہلکاروں کی بڑی تعداد جامعہ حفصہ کے باہر تعینات کر دی گئی ہے۔
نجی ٹی وی کےمطابق کارروائی کا فیصلہ مولانا عبدالعزیز کی جانب سے تحریک دوبارہ شروع کرنے کے اعلان پر کیا گیا ہے۔
مولانا عبدالعزیز نے جمعہ کے بعد جامعہ حفصہ سے لال مسجد تک ریلی نکالنے کا اعلان کر رکھا ہے۔
وزارت داخلہ کے ذرائع کا کہنا ہے کہ مولانا عبدالعزیز کو مذہب کے نام پر سیاسی سرگرمیوں کی اجازت نہیں ہے، وہ سرکار کے زیر انتظام لال مسجد میں سیاسی سرگرمیوں میں ملوث ہیں اس لئے ان کے خلاف تادیبی کارروائی کا فیصلہ کیا گیا ہے