لندن :رنگ برنگی او ر دلکش تتلیاں نمائش کے لئے پیش

تتلیوں کو چھونے اور انہیں قریب سے دیکھ کر ان کی خوبصورتی اور دلکشی کو سراہنے کی خواہش ہے تو لندن کا رخ کرلیں کیونکہ لندن میں موجود نیچرل ہسٹری میوزیم میں مختلف انواع واقسام کی رنگ برنگی اور دلکش رنگوں سے مزین سیکڑوں تتلیاں نمائش کیلئے پیش کردی گئی ہیں۔

ہر سال منعقد کی جانے والی اس دلچسپ نمائش میں بڑوں کے ساتھ ساتھ بچے بھی میوزیم کی جانب رخ کر رہے ہیں جہاں دنیا بھر سے لائی گئی تتلیوں کی کئی اقسام ان کی توجہ کا مرکز بنی ہوئی ہیں۔

اس میوزیم کے گارڈن میں سیکڑوں سے زائد تتلیوں کو آزادبھی کیا گیا جہاں آنے والے افراد نا صرف اپنے اردگرد اڑتی تتلیوں کو دیکھ اور چھو سکتے ہیں۔

بچوں کی معلومات کیلئے یہاں انڈے سے تتلی بننے کے عمل کی وضاحت کا بھی انتظام کیا گیا ہے جس نے ان کی دلچسپی میں مزید اضافہ کردیا ہے۔

Facebook
Twitter
LinkedIn
Print
Email
WhatsApp

Never miss any important news. Subscribe to our newsletter.

مزید تحاریر

تجزیے و تبصرے