بیوی کی جگہ پریزائڈنگ افسر بن کر ڈیوٹی دینے والے شخص کو پولیس نے گرفتار کرکے حوالات میں بند کردیا ۔
تفصیلات کے مطابق شرقپور شریف کی یونین کونسل نمبر 43 کے پولنگ سٹیشن نمبر 59 پرالیکشن کمیشن کی طرف سے ایک خاتون پریزائڈنگ افسر کو تعینات کیا گیا تھالیکن اس کی جگہ اس کا خاوند پریزائڈنگ افسر بن کر ڈیوٹی سرانجام دے رہا تھا ۔
پولیس نے آکر جب جعلی پریزائڈنگ افسر سے دستاویزات طلب کیں تو وہ کسی قسم کی دستاویزات پیش نہ کرسکا جس پر پولیس نے ملزم کو گرفتار کرکے حوالات میں بند کردیا۔