راولپنڈی میں 20 سالہ لڑکی کو زیادتی کے بعد چھت سے پھینک کر قتل کر دیا گیا

girlراولپنڈی میں حیوانیت کی انتہا ، حوا کی بیٹی ظلم کا شکار ہوگئی ،

روات میں بیس سال کی لڑکی کو زیادتی کے بعد چھت سے پھینک کر قتل کردیا گیا ایک ملزم پکڑا گیا ، دو فرار ہوگئے ،

لڑکی کی لاش کو ہسپتال منتقل کر دیا گیا ۔ بنت حوا کی ردا لٹتی رہی ، دل خراش واقعے میں 3 سفاک افراد نے مبینہ طور پر لڑکی کو اپنی ہوس کا نشانہ بنایا ۔

بے رحم افراد نے چکوال کی بیس سالہ لڑکی کو اجتماعی زیادتی کا نشانہ بنایا اور سنگدلی کے ساتھ اسے تین منزلہ گھر کی چھت سے دھکا دے کر قتل کردیا ۔

دھکا دینے والا ملزم بھی مقتولہ کی مزاحمت کے نتیجے میں چھت سے گر کر زخمی ہو گیا ۔

پولیس کےمطابق تھانہ روات کے علاقے سے لڑکی کی لاش برآمد کرلی گئی ہے جسے پوسٹ مارٹم کیلئے ہسپتال منتقل کر دیا گیا ہے ،

پولیس نے ملزم کو حراست میں لے کر تفتیش شروع کردی ہے ۔

پولیس کے مطابق مبینہ زیادتی میں تین ملزم شریک تھے ۔ فرار ہونے والے دو ملزم چکوال یا تلہ گنگ فرار ہوئے ہیں جن کی گرفتاری کیلئے اقدامات کیے جا رہے ہیں ۔

پوسٹمارٹم رپورٹ کے بعد مقدمہ درج کیا جائے گا ۔

دوسری جانب وزیر اعلیٰ پنجاب میاں محمد شہباز شریف نے بھی واقعے کا نوٹس لیتے ہوئے آر پی او سے رپورٹ طلب کر لی ہے.

Facebook
Twitter
LinkedIn
Print
Email
WhatsApp

Never miss any important news. Subscribe to our newsletter.

مزید تحاریر

تجزیے و تبصرے