کمپیوٹر کی دنیا میں کٹ، کاپی پیسٹ ایجاد کرنیوالا سائنسدان چل بسا

جدید کمپیٹور کے دور میں کٹ، کاپی پیسٹ کمانڈز کی سہولت فراہم کرنے والے معروف کمپیوٹر سائنسدان لاری ٹیسلر چل بسے۔

غیر ملکی میڈیا رپورٹس کے مطابق لاری ٹیسلر 74 برس کی عمر میں دنیا سے رخصت ہوئے جس کی تصدیق زیروکس کمپنی نے بدھ کے روز اپنے ٹوئٹر پیج پرکی جہاں سائنس دان نے اپنے کیرئیر کا سب سے زیادہ وقت صرف کیا۔

ٹیسلرکو زیروکس میں کمپنی کے آنجہانی بانی اسٹیو جابز نے کام کرنے کا موقع دیا جس کے بعد انہوں نے ایپل کمپنی میں 17 برس تک اپنی خدمات انجام دیں۔

کٹ،کاپی اور پیسٹ کمانڈز ٹیکنالوجی کمپنی ایپل کی جانب سے اس وقت مقبول ہوئیں جب 1983 میں انہیں لیزا کمپیوٹر کے سافٹ ویئر میں شامل کیا گیا۔

پرنٹ اینڈ ڈیجیٹل ڈاکیومنٹ بنانے والے کمپنی زیروکس کا کہنا ہے کہ لاری نے کٹ، کاپی، پیسٹ، فائنڈ اور ریپلیس سمیت دیگر کمانڈز ایجاد کی تھیں جس سے آج تمام کمپیوٹر صارفین اور ڈیجیٹل پر کام کرنے والے صارفین استفادہ کررہے ہیں۔

کمپنی کا کہنا تھا کہ ہم لاری کے انقلابی آئیڈیاز کے شکرگزار ہیں جس کی وجہ سے آج ہم سب کو دفتر میں کام کرنے میں آسانی ہے۔

واضح رہے کہ ٹیسلر نے مذکورہ کمانڈز پرنٹ میڈیا میں ہونے والی کٹنگ اور افیکسنگ کو دیکھ کر بنائی تھیں۔

ٹیسلر کی خدمات کو سراہتے ہوئے سلی کون ویلی میں دی کمپیوٹر ہسٹری میوزیم نے ٹوئٹ میں کہا کہ ٹیسلر کا ماننا تھا کہ کمپیوٹر سب کے لیے ہونا چاہیے اس لیے کٹ، کاپی، پیسٹ کے آئیڈیاز کے ساتھ کمپیوٹر سائنس ٹریننگ کو بھی عمل میں لایا گیا۔

Facebook
Twitter
LinkedIn
Print
Email
WhatsApp

Never miss any important news. Subscribe to our newsletter.

مزید تحاریر

تجزیے و تبصرے