کورونا : بڑے شہروں کے اندر مویشی منڈی نہ لگانے کا فیصلہ

کورونا وائرس کے پھیلاؤ کے خطرے کے پیش نظر پنجاب کے بڑے شہروں کے اندر مویشی منڈی نہ لگانے کا فیصلہ کیا گیا ہے۔

ذرائع کے مطابق پنجاب حکومت نے لاہور شہر میں مویشی منڈی لگانے پر پابندی عائد کردی ہے۔

ذرائع کے مطابق شہر کے باہرکم آبادی والے علاقوں میں منڈیوں کے قیام کی تجویز ہے جبکہ شہری قربانی کے جانور کیسے خریدیں گے اس حوالے سے سفارشات مرتب کرنے کا کام جاری ہے۔

ذرائع کا کہنا ہے کہ جانوروں کی خریدوفروخت کیلئے چند روز میں ایس اوپیز وضع کیے جائیں گے۔

خیال رہے کہ صوبہ پنجاب کا شہر لاہور کورونا سے سب سے زیادہ متاثر ہے جس کی وجہ سے وہاں بیشتر علاقوں میں اسمارٹ لاک ڈاؤن بھی کیا گیا ہے۔

ملک میں اب تک کورونا سے اموات کی مجموعی تعداد 3695 ہوگئی ہے جب کہ نئے کیسز سامنے آنے کے بعد مریضوں کی تعداد 185034 تک پہنچ گئی ہے۔

اب تک پنجاب میں کورونا سے 1495 اور سندھ میں 1103 افراد انتقال کرچکے ہیں جب کہ خیبر پختونخوا میں 843 افراد جاں بحق ہو چکے ہیں۔

اس کے علاوہ بلوچستان میں 104، اسلام آباد میں 106، گلگت بلتستان میں 22 اور آزاد کشمیر میں مہلک وائرس سے 22 افراد جاں بحق ہو چکے ہیں۔

Facebook
Twitter
LinkedIn
Print
Email
WhatsApp

Never miss any important news. Subscribe to our newsletter.

مزید تحاریر

تجزیے و تبصرے