وزیراعظم عمران خان نے کہا ہے کہ ملک میں فرقہ واریت پھیلانے والے عناصر کے خلاف سخت ایکشن لوں گا۔
اپنی ٹوئٹ میں وزیر اعظم عمران خان کا کہنا تھا کہ ملک میں عاشورہ کو پرُامن طور پر منانے پر قوم کا شکر گزار ہوں۔
یومِ عاشور کے موقع پر ملک میں امن و احترام ملحوظِ خاطر رکھنےپر میں اپنی پوری قوم کا مشکور ہوں۔ تاہم بدقسمتی سے اس دوران ایسے فتنہ گر عناصر کی شرانگیزیاں میرےعلم میں لائی گئیں جنہوں نےاس موقع پر فرقہ واریت کی آگ بھڑکانےکی کوشش کی۔ شرپسندوں کےاس گروہ سےاب میں نہایت سختی سےنمٹوں گا۔
— Imran Khan (@ImranKhanPTI) August 31, 2020
انہوں نے کہا کہ اطلاع ملی ہے کہ محرم کے دوران فرقہ واریت کےشعلے بھڑکانے کی کوشش کی گئی، فرقہ واریت پھیلانے والے عناصر کے خلاف اب سخت ایکشن لوں گا۔