امریکی سائنس دانوں نے دعویٰ کیا ہے کہ انہوں نے لمبی عمر کے لیے دوا دریافت کرلی ہے۔ اب انسان 120سال تک زندہ رہ سکیں گے اور بڑھاپے کے باعث ہونےو الی بیماریوں میں بھی مبتلا نہیں ہوں گے۔
امریکی سائنس دانوں کے مطابق ذیابیطس کے لیے استعمال ہونے والی دوا کے حیرت انگیز اثرات سامنے آئے ہیں۔ میٹ فورمین نامی دوا نہ صرف شوگر کو کنٹرول کرتی ہے بلکہ عمر گزرنے کے عمل کو بھی سست کر دیتی ہے۔
اس دواکے استعمال سے 70سال کا آدمی بھی 50سالہ شخص کی طرح صحت مند ہوگا۔ اس دوا کا تجرباتی بنیادوں پر استعمال اگلے سال شروع کیا جائے گا اور کامیابی کی صورت میں جلد یہ عام استعمال کے لیے دستیاب ہوگی