میرے قریب کے لوگوں کو نامعلوم نمبرز سے دھمکی آمیز کالز آرہی ہیں : مریم نواز

پاکستان مسلم لیگ (ن) کی نائب صدر مریم نواز نے کہا ہے کہ میرے آس پاس اور قریب کے لوگوں کو نامعلوم نمبرز سے دھمکی آمیز کالیں آرہی ہیں۔

کوئٹہ میں پاکستان ڈیمو کریٹک موومنٹ کے جلسے میں شرکت کے بعد مریم نواز لاہور پہنچ چکی ہیں۔

اپنی ٹوئٹ میں مریم کا کہنا تھا کہ میرے آس پاس اور قریب کے لوگوں کو نامعلوم نمبرز سے دھمکی آمیز کالز آرہی ہیں اور کہا جارہاہے کہ آج کی تقاریرکے بعد آپ سب کو کریک ڈاؤن کیلئے تیار ہوجانا چاہیے۔

انہوں نے کہا کہ پاکستان کے عوام نوٹ کرلیں، ٰیہ ریکارڈ کیلئے یہاں لکھا ہے۔

دوسری جانب وزیراعظم عمران خان کے معاون خصوصی برائے سیاسی رابطہ کار ڈاکٹر شہباز گل کا مریم نواز کے ٹوئٹ کے ردعمل میں کہنا تھا کہ ایک ایکسپرٹ سے بات ہوئی جن لوگوں کو فون آئے ان کے فونز کا فارنزک کرنا ہوگا تاکہ دھمکی دینے والے تک پہنچا جاسکے۔

انہوں نے کہا کہ براہ مہربانی قانون نافذ کرنے والے اداروں سے رابطہ کریں اور فارنزک کرالیں۔

خیال رہے کہ اپوزیشن اتحاد پاکستان ڈیموکریٹک موومنٹ نے گوجرانوالا اور کراچی کے بعد کوئٹہ میں بھی بھرپور عوامی طاقت کا مظاہرہ کیا اور رہنماؤں نے خطاب میں مرکزی اور صوبائی حکومت کو آڑے ہاتھوں لیا۔

Facebook
Twitter
LinkedIn
Print
Email
WhatsApp

Never miss any important news. Subscribe to our newsletter.

مزید تحاریر

تجزیے و تبصرے