کس وقت ٹھنڈا پانی پینا انتہائی مفید ہوتا ہے اور کس وقت گرم پانی؟

اکثر کہا جاتا ہے کہ گرم پانی پینا صحت کے لئے مفید ہے اور کہاجاتا ہے کہ ٹھنڈا پانی مضر صحت ہے۔آئیے آپ کو بتاتے ہیں کہ کس وقت ٹھنڈا پانی پینا انتہائی مفید ہوتا ہے اور کس وقت گرم پانی پینا چاہیے۔
ٹھنڈاپانی پینے کے لئے بہترین وقت مندرجہ ذیل ہے:

ورزش

جب ہم ورزش کرتے ہیں تو ہمارے جسم کا درجہ حرارت بڑھ جاتا ہے۔پسینے کی وجہ سے ہمارا جسم ٹھنڈا ہوتا ہے لیکن اس عمل کے دوران ہمارے جسم سے پانی اورالیکٹرولائیٹ کی تعداد ضائع ہوجاتی ہے۔اس دوران اگر ٹھنڈا پانی پیاجائے تو نہ صرف جسم کا درجہ حرارت کم رہتا ہے بلکہ پانی کی کمی بھی پوری ہونے لگتی ہے۔ایک تحقیق میں یہ کچھ لوگوںکو کمرے کے درجہ حرارت پر رکھا گیا پانی پلایا گیا جبکہ دوسرے گروہ کو ٹھنڈا پانی دیاگیا اور یہ بات سامنے آئی کہ ٹھنڈا پانی پینے والے افراد کے جسم کا درجہ حرارت زیادہ کم رہایعنی ٹھنڈا پانی زیادہ مفید ثابت ہوا۔

بخار

ہمارے جسم میں بخارکی وجہ سے پانی کی کمی ہونے لگتی ہے اور اگر پانی نہ پیا جائے تو دیگر پیچیدگیاں پیدا ہونے لگتی ہیں۔ٹھنڈا پانی پینے سے بخار کی شدت میں کمی آنے لگتی ہے اور ساتھ ہی پانی کی کمی پوری ہونے لگتی ہے۔ٹھنڈے پانی میں لیموں کا رس ملالیں اور بخار سے جلد چھٹکاراپائیں۔

وزن میں کمی

ٹھنڈا پانی پینے سے میٹابولزم تیزی سے کام کرتا ہے اور ایک دن میں اضافی 70حرارے جلتے ہیں۔15منٹ کی چہل قدمی کے بعد 70حرارے جلتے ہیں لیکن یہی مقصدٹھنڈاپانی پینے سے بآسانی حاصل کیا جاسکتا ہے۔

گرم پانی پینے کے لئے بہترین وقت مندرجہ ذیل ہے:

نظام انہضام

اگرآپ کا نظام انہضام صحیح طریقے سے کام نہیں کرتاتوگرم پانی کا استعمال شروع کردیں۔ماہرین طب کا کہنا ہے کہ صبح سویرے گرم پانی پینے سے قبض سے نجات ملتی ہے اور ہمارا معدہ زیادہ بہتر طریقے سے کام کرنے لگتاہے۔ان کا مزید کہنا ہے کہ کھانے کے ساتھ ٹھنڈا پانی پینامعدہ کے لئے زہر قاتل ہے لہذاہمیشہ گرم پانی استعمال کریں۔

زہریلے مواد نکالنے کے لئے

اگر آپ اپنے جسم سے زہریلے مواد نکالنے کے خواہشمند ہیں تو گرم پانی کا استعمال کریں۔ماہرین صحت کا کہنا ہے کہ جسم سے زہریلے مواد نکالنے کے لئے گرم پانی میں لیموں کا رس ملاکرپئیں۔اس طریقے سے معدے سے زہریلے مواد نکلیں گے اور نظام انہضام بھی ٹھیک طریقے سے کام کرے گا۔آپ چاہیں تو اس پانی میں کھیرے،مالٹے اور سیب کے ٹکڑے بھی ڈال سکتے ہیں۔

درد میں کمی کے لئے

اگر سر میں درد یا جسم میں سوزش ہوتو گرم پانی استعمال کریں کہ اس طرح خون کی گردش بہتر رہے گی اور جسم سے سوزش اور درد کم ہوگی

Facebook
Twitter
LinkedIn
Print
Email
WhatsApp

Never miss any important news. Subscribe to our newsletter.

مزید تحاریر

تجزیے و تبصرے