بول ورکرز ایکشن کمیٹی نے پارلیمان کےسامنے دھرنے کا اعلان کردیا

بول ورکرز ایکشن کمیٹی اسلام آباد کے مظاہرے کے شرکا نے اعلان کیا ہے کہ تنخواہوں کی ادائیگی اور بول کی بحالی نہ ہونے کی صورت میں پارلمینٹ کے سامنے دھرنا دیا جائے گا اور احتجاج کو ملک بھر تک وسعت دی جائے گی۔

بول ورکرز ایکشن کمیٹی اسلام آباد کے نیشنل پریس کلب کےسامنے ہونے والے مظاہرے اور ریلی میں صحافیوں، صحافتی تنظیموں، نیشنل پریس کلب کے عہدیداران، سول سوسائٹی اور سیاسی جماعتوں کے نمائندوں نے شرکت کی۔

شرکا نے بول ملازمین کو دس ماہ سے تنخواہوں کی عدم ادائیگی کی مذمت کرتے ہوئے کہا کہ اسلام آباد ہائی کورٹ کے حکم کے باوجود حکومت کی جانب سے بول ورکرز کو تنخواہوں کی ادائیگی کی راہ میں حائل رکاوٹیں دور نہیں کی جارہیں۔

12710994_533622246816099_5107252770547974799_o

بول ورکرز ایکشن کمیٹی کے صدر سبوخ سید نے کہا کہ بول کی بندش اور تنخواہوں کی عدم ادائیگی کے سبب بائیس سو صحافیوں اور میڈیا ورکرز کا معاشی قتل کیا گیا۔ انھوں نے کہا کہ اب ہم اپنی جدوجہد کو ملک گیر سطح پر وسعت دینگے اور تنخواہوں کی ادائیگی تک یہ تحریک جاری رہے گی۔ اگلے مرحلے میں پارلیمنٹ کے سامنے احتجاجی دھرنا دیا جائے گا۔

12711167_533623276815996_5779166219707214044_o

پی ایف یو جے کے صدر افضل بٹ نے خطاب میں کہا کہ چند میڈیا مالکان کی ملی بھگت کے سبب بول ٹی وی مسائل سے دوچار ہے اور میڈیا ورکرز کو معاشی مسائل کا سامنا ہے۔ بول ورکرز کی جدوجہد کو منطقی انجام تک پہنچا کر رہینگے۔
4

سینئر صحافی اور اینکر پرسن مطیع اللہ جان نے خطاب میں کہا کہ محض طفل تسلیوں سے کام نہیں چلے گا حکومت کو بول ورکرز کے حقوق دینے ہونگے۔

8

12698713_533621906816133_3269634125362978567_o

آر آئی یو جے کے صدر علی رضا علوی کا مظاہرین سے خطاب میں کہنا تھا کہ بول کی جدوجہد آزادی صحافت کی لڑائی ہے اور اس لڑائی میں صحافی ضرور فتح یاب ہونگے۔

2

12657826_533623353482655_5695322996474424104_o

12694719_533622936816030_5868344223763152537_o

نیشنل پریس کلب اسلام آباد کے صدر شکیل انجم نے کہا کہ حقوق کی اس جنگ میں بول ورکرز اکیلے نہیں، ملک بھر کی صحافی برادری ان کے ساتھ ہے۔

12657320_533622800149377_1656490772979291172_o

امریکا سے آئے سینئر صحافی اشرف قریشی نے کہا کہ بول ٹی وی نیٹ ورک نے تمام قانونی تقاضے پورے کیے تھے مگر سازش کے تحت غیرقانونی طور پر بند کیا گیا۔

3

n

مظاہرین سے بول ورکرز ایکشن کمیٹی کی آمنہ عامر اور ایمن سید نے بھی خطاب کیا۔ اس موقع پر نیشنل پریس کلب سے سپر مارکیٹ تک ریلی بھی نکالی گئی۔

Facebook
Twitter
LinkedIn
Print
Email
WhatsApp

Never miss any important news. Subscribe to our newsletter.

مزید تحاریر

تجزیے و تبصرے