سردار سورن سنگھ سے پہلی اور آخری ملاقات

تبدیلی آگئی تو دل نے کہا’’چلو دیکھتے ہیں‘‘ اس میں کتنی حقیقت ہے؟لیکن۔۔۔۔۔۔۔۔۔۔۔۔۔۔ ۔اپنی پیشہ وارانہ مصروفیات کے باعث چونکہ زیادہ تر وقت فیلڈ میں رہنا پڑتا ہے ، اس لئے دفاتر اور افسر شاہی کی یاترا کی کبھی کبھار ہی نوبت آتی ہے ، خیر ایک بار موقع پاکرتبدیل شدہ حکومتی ڈھانچہ کاازخود جائزہ لینے کے لئے روانہ ہوگئے،لیکن یہ بھی محض حسن اتفاق ہی تھا۔۔۔۔۔۔ہوا یوں کہ اسلام پور سوات کے ایک دوست کے ساتھ کسی کام کے سلسلے میں صوبائی محکمہ صحت کے ایک اعلیٰ افسر کے دفتر جانا ہوا، دیکھا کہ ایک شخص سکھوں کے لباس میں ملبوس ، سر پر مخصوص پگڑی باندھے، ہاتھ میں ایک التجاء پر مبنی درخواست تھامے دروازہ کھول کر داخل ہوا،باقی سائلین کی طرح کیونکہ میں بھی اس ’’سکھ‘‘ کی اصلیت سے لاعلم تھا، اس لئے کوئی توجہ نہیں دی، اس نے بھی سلام کہہ کر چپ رہنے اور اپنی باری کا انتظار کرنے میں عافیت جانی۔۔۔۔۔۔۔۔۔۔۔۔۔۔ باریش بندہ دیکھ کر ۔۔۔۔۔۔۔۔۔۔۔۔ میں نے ازراہ مروت ۔۔۔۔۔۔۔۔ زرا سا کھسک کر صوفہ میں ’’انھیں ‘‘ جگہ دینے کی کوشش کی۔۔۔۔۔۔۔۔۔۔۔۔۔۔۔ لیکن۔۔۔۔۔۔۔۔۔۔چونکہ درحقیقت میرے ساتھی ’’صوفہ نشین‘‘ انھیں جگہ دینے پر ’’ آمادہ ‘‘ نہیں لگ رہے تھے ۔۔۔۔۔ اس لئے ’’ اس انسان ‘‘نے بھی ۔۔۔۔ ۔۔۔۔۔۔۔۔ بڑی مہربانی ۔۔۔۔۔۔۔۔۔۔۔ خوش رہو۔۔۔۔۔۔۔۔۔۔ کہہ کر کھڑے رہنے پر اکتفاء کیا۔ اسی اثناء میں افسر محترم بھی بغل کے کمرے سے نکل کر اپنی نشست پر رونق افروز ہوئے،چونکہ ابھی تبدیلی نو مولود تھی اس لئے ’’اس‘‘ کے رویہ میں کوئی خاص تبدیلی محسوس تک نہیں کی، خیر دیگردرخواست گزاروں کے ساتھ ’’ان صاحب‘‘ نے بھی اپنی فریاد بحضور سرکار پیش کی، یہاں یہ بتاتا چلوں کہ انھوں نے نہ تواپنی شناخت کرائی اور نہ کسی کا حوالہ دیا ، بس اپنے کام سے کام رکھا اورچل دیئے، واپس نکلے تو ساتھی نے جوکہ ایک چلتا پھرتا انسائیکلوپیڈیاہے اور ’’لوگوں‘‘ کے بارے میں کچھ زیادہ ہی معلامات رکھتے ہیں ، بے اختیار مجھ سے سوال کیا۔ ۔۔۔۔۔۔۔۔۔۔۔۔’’جانتے ہو اس سکھ کو ؟

میں نے جواب دیا۔۔۔۔۔۔۔ ’’نہیں ‘‘
’’ابے یار ؛ یہ ہمارے صوبے کے وزیر اقلیتی امور ہیں‘‘۔۔۔ دوست نے کہا ۔۔
میری تو جیسے پیروں تلے سے زمین نکل گئی۔۔۔۔۔۔۔۔۔۔۔۔۔۔۔’’یہ‘‘
’’نہیں یار‘‘۔۔۔۔؟
’’ہاں یار‘‘۔
یہ ایسے ہی ہیں
کبھی بدلتے نہیں
ہمیشہ اپنے کام سے کام رکھتے ہیں
پروٹوکول اور ٹھاٹ بھاٹ کے سخت خلاف ہیں۔
سادہ بندے ہیں اور سادہ ہی رہتے ہیں۔
ہرمعاملے میں ’’ بہت سو سے بہتر ہیں۔
ہر ایک کے کام آتے ہیں
میں نے کہا۔۔۔۔ ’’ہر ایک کے۔۔۔۔؟
اس نے کہا ۔۔۔۔۔۔۔۔’’ہاں‘‘
دیکھا نہیں کتنے ادب سے سب کو سلام کیا، یہ اور بات کہ زیادہ تر لوگوں نے جواب دینا گوارا نہیں کیا۔

دوست بولتا رہا اور میں سوچتا رہا ، ماضی کے وزیروں ، مشیروں اور افسر شاہی کے بارے میں ۔۔۔۔۔۔۔۔۔۔۔۔۔۔۔کہ کئی کلومیٹر سے ہوٹر کی اعصاب شکن آواز ان کی آمد کی نوید دیاکرتی تھی ۔۔۔۔۔۔۔۔۔اور۔۔۔۔۔۔۔۔۔۔۔۔ ایک یہ وزیر کہ عام آدمی سے بھی زیادہ گئی گزری حالت میں اپنے حلقے کے’’ ایک مسلمان ‘‘کی درخواست اس نیت سے لایا تھا کہ رمضان شریف کے بابرکت مہینہ میں اسے سرکاری دفاتر کے چکر نہ کاٹنے پڑیں۔۔۔۔۔۔۔۔۔۔

اس اچانک ملاقات کے بعد ہر بار یہ کوشش کی کہ اس ’’انسان ‘‘ سے ایک بار ملاقات ہوجائے۔۔مگر۔۔۔ شاید ۔۔۔۔ قدرت کویہی منظور تھا کہ ان کے بارے میں تب لب کشائی کا موقع ملے گاجب وہ ’’آنجہانی‘‘ کہلائیں گے۔
؂مرجائے تو بڑھ جاتی ہے انسان کی قیمت
زندہ ہو تو۔۔۔ جینے کی سزا دیتی ہے دنیا
دفتر سے گھر لوٹے ، نماز پڑھنے کے بعد اس انسان کے بارے میں سوچنے لگا کہ
آج کے دور میں بھی ایسے لوگ ہیں جو نامور ہونے اور مکمل اختیار رکھنے کے باوجود گمنامی کی زندگی گزار رہے ہیں۔۔۔ یقینا۔۔۔۔۔۔۔
؂ گمنام اگر ہوں گے تو کیا نام نہ ہوگا
جمعہ 22اپریل 2016ء کے المناک واقعہ کے بعد اپنے چچامحترم (مقامی زیرک صحافی) سے ’’ان ‘‘ کے بارے میں برسبیل بات ہوئی تو وہ بے اختیار بول اٹھے۔۔۔۔۔
’’سورن سنگھ جیسا بندہ کبھی نہیں دیکھا
وہ حقیقی معنوں میں انسان تھے
ہزار بار کہا کہ پروٹوکول لیا کرو، کوئی ماردے گا
وہ ہر بار مسکرا کر جواب دیتا ،
’’زندگی اور موت اوپر والے کے ہاتھ میں ہیں‘‘
موت ایک دن آنی ہی ہے تو پھر ڈرکیسا؟
میں ہر بار لاجواب ہوجاتا اور کہتا
’’ اے اللہ تو ہی حفاظت کر‘‘
ان کا سیاسی، خاندانی ، لسانی اورمذہبی پس منظر خواہ جو بھی ہو لیکن ایک بات طے ہے کہ
’’وہ انسان تھے لاجواب‘‘
ان کے بارے میں تو کچھ خاص جانتا نہیں ، صرف چند منٹ کی ملاقات ہوئی اور وہ بھی علیک سلیک کی حد تک، لیکن۔۔۔۔۔۔۔۔۔۔۔۔۔۔ دوست احباب سے’’ان‘‘ کے بارے میں ’’اچھا خاصاذکر خیر‘‘ سنا تو سمجھ گیا کہ
؂ وہ لوگ ہم نے ایک ہی لمحے میں۔۔ کھودیئے
ڈھونڈا تھا آسماں نے جنھیں خاک چھان کے
اوپر والا ہر چیز پر قادر ہے
۔۔۔۔۔۔۔۔۔۔۔۔۔۔۔یقیناًاس میں بھی اس کی کوئی حکمت ہوگی کہ
زمیں کھاگئی آسماں کیسے کیسے؟؟؟؟؟؟؟
اگلے روز نماز کے لئے مسجد گیا تو نماز کے بعد پیش امام صاحب کہہ اٹھے ’’ ان کے لئے دعا کی اپیل ہے، خدا ان کے قاتلوں کو انجام تک پہنچائے اور ان کے خاندان کو صبر جمیل عطاء فرمائے، دیگر نمازیوں کی طرح میں بھی بے اختیار کہہ اٹھا’’آمین‘‘
۔۔۔۔۔۔۔۔۔۔۔۔اللہ ۔۔۔۔ ہماری دعا قبول فرما۔۔۔
ایک دوست زرا تاخیر سے دفتر پہنچا ، دریافت کرنے پر معلوم ہوا کہ۔۔۔۔’’ گرجاگھر میں خصوصی دعائیہ سروس تھی اور اس میں ’’ان ‘‘ کے لئے خداوند سے بخشش کی التجاء کی گئی۔
غرض۔۔۔۔۔۔ کوئی گردوارا۔۔۔۔۔۔۔۔۔۔ کوئی مندر ۔۔۔۔۔۔۔۔ کوئی عبادت گاہ ایسی نہ رہی جہاں۔۔۔۔۔۔۔۔۔۔۔۔۔۔ ’’ بغیر کسی دباؤ۔۔۔۔ بغیر کسی لالچ اور بغیر کسی دکھاوے کے۔۔۔۔۔۔۔۔۔۔۔۔۔۔ ان کے لئے ’’ دعائیہ تقریب منعقد نہ کی گئی ہو۔۔۔ مگر۔۔۔۔۔۔۔۔۔۔۔۔۔۔ بات وہی آکر ٹکتی ہے کہ
؂ ہمارے بعد اندھیرا رہے گا محفل میں
بہت چراغ جلاؤگے روشنی کے لئے
ان کی موت ا گر ایک طرف ان کے خاندان کے لئے ناقابل تلافی نقصان ہے تو دوسری طرف اس واقعہ سے صوبائی حکمران جماعت اپنے ایک بہادر سپوت سے محروم ہوگئی،ایک ایسے انسان سے جن کی سیاست صرف ایک برادری تک محدود نہیں تھی بلکہ ان کی سیاست عالمگیر تھی۔
اور ؂ اپنے لئے تو سب ہی جیتے ہیں اس جہاں میں
ہے زندگی کا مقصد اوروں کے کام آنا
ان کی سیاست کا مرکز و محور رہا
۔۔۔۔۔۔۔اس واقعہ نے اقلیتی برادی سے ’’ زبان‘‘ چھین لی تو
ہزاروں ، لاکھوں ’’بے یارومددگار ’’انسانوں ‘‘ کوبے آسرا گردیا جن کا’’ وہ‘‘ واحد سہارا اور ترجمان تھے۔۔۔
یقیناًہر ’’آنکھ ‘‘ آشک بار اور
ہر’’ دل‘‘ پژمردہ و غمگین ہے ۔۔۔۔۔۔ اس اندوہناک اور انسانیت سوز واقعہ پر۔۔۔۔۔ لیکن
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔افسوس صد افسوس اس بات کا۔۔۔۔۔ کہ ۔۔۔۔ ۔۔۔۔۔۔۔۔
سردار سورن سنگھ ہم شرمندہ ہیں۔۔۔۔۔۔۔۔۔۔۔۔۔۔۔۔ تیرے قاتل۔۔۔۔۔۔۔۔؟؟؟؟؟؟؟؟؟؟

Facebook
Twitter
LinkedIn
Print
Email
WhatsApp

Never miss any important news. Subscribe to our newsletter.

مزید تحاریر

تجزیے و تبصرے