جب اللہ بھی نہیں تھا !

پینٹ شرٹ پہنے اورہاتھ میں اسمارٹ فون لیئے وہ ایک جوان تھا جو کسی سلسلے میں ملنے آیا تھا۔

کسی بات پر اس اسکے شوق کو دیکھتے ہوئے میں نے اپنی کتاب بطور تحفہ پیش کی۔

اس نے ٹائٹل کو بغور پڑھا اور کچھ صفحات پلٹے۔۔۔۔ لمحے بھر کے لیئے کسی سوچ میں غرق ہوا۔۔

پھر میری آنکھوں میں دیکھتے ہوئے بولا۔۔۔ بزرگ عالم چار ہوتے ہیں!

میں ٹھٹکا۔۔۔۔ چار یا دو !

لیکن فوراًخیال کوندا کہ چار عالم کا تذکرہ کیا تو جاتا ہے۔۔۔ لیکن کبھی غور نہیں کیا۔

عالَم ناسوت، عالمِ ملکوت، عالمِ جبروت اور عالم لاہوت ! اسکی آواز میں ارتعاش تھا۔۔۔۔

اس نے میری طرف دیکھا اور سوال کیا کہ کیا آپ کو نہیں معلوم؟ ۔۔۔

میں سٹپٹایا اور کہا کہ ہاں سنا تو ہے۔۔۔

یہی عالمین ہیں۔۔۔۔ لاہوت میں ذات باری تعالیٰ ہے

اور ہر عالَم کے دو رخ ہیں۔۔۔۔۔ ایک رخ عیاں اور دوسرا پنہاں۔۔۔

ناسوت ایک دائرہ ہے جس میں ہم ہیں۔۔اسکے باہر ملکوت ۔۔۔ا

ور اس سے باہر جبروت اور اس کے چاروں طرف لاہوت۔۔۔۔

میں نے پوچھا بھائی آپ کوںْ۔۔۔کہا ذات کا شعور۔۔۔۔

میرے اندر علوم ہیں جو بتا نہیں سکتا!۔۔۔۔۔ میں جز بز ہوا۔۔۔۔

تو ایک اور سرد ۔۔۔لہر کانوں سے ٹکرائی۔۔ عالمین سے پہلے کچھ نہیں تھا۔۔

وہ رک نہیں رہا تھا۔۔۔۔نہ رحمٰن تھا۔۔۔۔ نہ رحیم۔۔۔ نہ ملک تھا ۔۔۔۔نہ قدّوس،

نہ عزیز تھا ۔۔۔۔۔نہ جبّار، ۔۔۔نہ خالق تھا۔۔۔۔۔ نہ بارء۔۔

نہ مصوّر تھا ۔۔۔۔ نہ رزّاق ۔۔۔۔۔۔نہ غفور تھا۔۔۔۔۔ نہ ۔۔۔ قہّار۔۔۔۔

میں مبہوت اسے تکے جارہاتھا ۔۔۔۔۔۔۔کہ وہ ایک دھماکہ تھا جو کان سے ٹکرایہ۔۔۔

جب اللہ بھی نہیں تھا۔۔۔۔ جب اللہ بھی نہیں تھا۔۔۔۔۔۔۔

میری روح میں کچھ ارتعاش ہوا۔۔۔۔ میں گھبراگیا۔۔۔۔۔ میں ڈر گیا۔۔۔

یا اللہ!! یہ کیا کہا اس نے۔۔۔ میں سہم گیا۔۔۔

یہ کیوں کہا اس نے۔۔۔۔ میں اسکو غور سے دیکھا۔۔۔

وہ مجھے گھور رہا تھا۔۔۔ میری آنکھوں میں اُتر رہا تھا۔۔۔۔۔

پوچھا کہ ۔۔۔۔۔۔ کبھی سوچا ؟ْ

میں اسے دیکھتا رہا۔۔۔ مگر سوچتا رہا۔۔۔ یہ کیا کہاْ

میں سوچتا رہا۔۔۔ سوچتا رہا۔۔۔ سوچتا رہا کہ۔۔ اچانک میرے اندر ایک خیال کوندا۔۔۔۔۔

ہاں جب تو اللہ بھی نہیں تھا۔۔۔۔ واقعئی اللہ نہیں تھا۔۔۔

میں مسکرایا۔۔۔ وہ بھی مسکرا دیا۔۔۔۔۔ وہ سمجھا گیا ۔۔۔۔ میں سمجھ گیا۔۔

اللہ نہیں تو کون تھا؟۔۔۔۔۔۔ اس لامکاں میں۔۔۔۔

العلیم تھا۔۔۔۔۔۔۔۔ قادر تھا، ۔۔۔۔۔ حئی اور۔۔۔۔قیّوم تھا

مگر اس وقت اللہ نہیں تھا۔۔۔۔ کیونکہ بندہ نہیں تھا ،

خالق نہیں تھا ۔۔۔۔کیونکہ مخلوق نہیں تھی۔۔۔

معبود نہیں تھا ۔۔۔ کیونکہ عابد نہیں تھا۔۔۔ رازق نہیں تھا ۔۔۔۔کیونکہ سائل نہیں تھا۔۔۔۔۔

جب علیم و قادر نے تخلیق کی تو ۔۔۔ خالق بنا۔۔۔۔ رزق دیا تو۔۔۔۔ رازق بنا۔۔۔۔۔

پھر مصوّر ۔۔۔۔ رحمن۔۔ رحیم ۔۔۔۔اور کریم ہوا،

تخلیق ہوتی رہی۔۔۔۔۔صفات آشکارہ ہوتی رہیں۔۔۔۔

عالمینِ ۔۔۔ جبروت۔۔۔ مَلَکوت۔۔۔ اور ناسوت ۔۔۔ بنے

مخلوق نے اپنے معبود بنائے۔۔۔۔ اِلہٰ بنائے۔۔۔۔۔۔ تو اللہ ہوا۔۔۔۔

اس نے اپنے اسمارٹ فون پر پیغام پڑھا اور کہا۔۔۔۔ بزرگ اب اجازت دیں۔۔۔۔

میں نے کہا بزرگ تو تم ہو۔

Facebook
Twitter
LinkedIn
Print
Email
WhatsApp

Never miss any important news. Subscribe to our newsletter.

مزید تحاریر

تجزیے و تبصرے