سٹی اسکول کے جنوبی ریجن نےگزشتہ ہفتے ایک مختصر اور پر وقار تقریب میں اپنی سابق طلبا کی ایسوسی ایشن کا باقاعدہ آغاز کیا۔ تقریب میں سکول کے صدر اور کئی سابق طلبا کے ساتھ میڈیا نےبھی شرکت کی۔
پروگرام کے آغاز کے بعد آزرمین مائنی چاؤلہ نے شرکا سے خطاب کیا۔ سٹی اسکول کے ایک سابق طالب علم خاقان جوشی نے ایک پر زور تقریر کی جس کا عنوان تھا ’ایک سٹیزن کا سفر‘۔
تقریب کے مہمان خصوصی ڈائرکٹر جنرل برٹش کونسل سندھ اور بلوچستان ریجن جانب رابن ڈیوس نے ایک فکر انگیز تقریر کی جس میں انھوں نے طالب علموں اور فارغ التحصیل طلبا کو وقت کی اہمیت کا احساس دلایا۔
سکول کے ایک اور سابق طالب علم دبیر حیمانی نے اپنے سکول کے دنوں کی تصاویر اور قصے لوگوں کے ساتھ بانٹے۔
سٹی سکول کے ڈائریکٹر جنوبی ریجن شہر یار احمد نے اپنی تقریر کے دوران اسکول سے وابستہ اپنے تعلق، رابطوں اور یہاں بننے والے رشتوں کی اہمیت کے حوالے سے گفتگو کی۔
تقریب کے دوران میوزیکل بینڈ کلب ۷۷۷ نے بھی اپنے فن کا شاندار مظاہرہ کیا۔
تقریب میں شامل ہونے سے رہ جانے طلبا کے لیے سوشل میڈیا پر لائیو سٹریمنگ کا اہتمام بھی کیا گیا تھا۔
تقریب کا اختتام چائے پر کیا گیا جس میں پرانے ساتھیوں کو مل بیٹھنے اور اپنی پرانی یادیں تازہ کرنے کا موقع بھی ملا۔
ممبران نے اس بات کا عزم کیا کہ اس ایسوسی ایشن کو شہر کا سب سے فعال ادارہ بنائیں گے۔
تقریب کے انتظامی فرائض اسٹار لنکس اینڈ پی آر نے ادا کیے تھے۔
