فیشن ویک منسوخ

پاکستان کے حالیہ واقعات اور دھماکوں کو مدنظر رکھتے ہوئے پاکستان فیشن ڈیزائن کونسل (پی ایف ڈی سی) نے پی ایف ڈی سی سن سلک فیشن ویک کو منسوخ کرنے کا فیصلہ کرلیا ہے، جو مارچ میں منعقد کیا جارہا تھا۔

یہ فیشن ویک ویسے تو رواں سال 2 سے 5 مارچ تک منعقد کیا جانا تھا، تاہم لاہور میں حال ہی میں ہونے والے دھماکے کے باعث کونسل نے اسے فی الحال منسوخ کرنا بہتر سمجھا، جبکہ حالات بہتر ہونے پر اسے دوبارہ منعقد کیا جائے گا۔

کونسل کے پبلسسٹ کے مطابق ڈیزائنرز، کونسل اور پورا لاہور گزشتہ روز ہونے والے دھماکے سے کافی پریشان ہے اور ایسے موقع پر پاکستان سن سلک فیشن ویک جیسے بڑے ایونٹ کو منعقد کرنے پر محتاط ہونا چاہیے جس میں میڈیا کے ساتھ ساتھ پورے ملک سے فیشن سے تعلق رکھنے والی شخصیات شرکت کرتی ہیں۔

ذرائع کے مطابق امید ہے کہ یہ ایونٹ دوبارہ جلد منعقد کیا جائے گا، تاہم اس وقت سیکیورٹی کو دیکھتے ہوئے اسے منسوخ کرنا ہی بہتر ہے۔

گزشتہ روز لاہور کے پوش علاقے ڈیفنس میں دھماکے کے نتیجے میں 10 افراد جاں بحق اور 21 زخمی ہوگئے تھے۔

جس کے بعد لاہور کے علاقے گلبرگ میں بھی ایک اور دھماکے کی اطلاع موصول ہوئی تھی، تاہم وزیر قانون پنجاب رانا ثناء اللہ نے گلبرگ میں دھماکے کی تردید کردی تھی۔

Facebook
Twitter
LinkedIn
Print
Email
WhatsApp

Never miss any important news. Subscribe to our newsletter.

مزید تحاریر

تجزیے و تبصرے