پیپلز پارٹی کے رہنما مولا بخش چانڈیو کہتے ہیں کہ وزیر اعظم جانے سے پہلے جیبیں نہ جھاڑیں، نیا وزیراعظم نام زدکرنے کی فکرکریں۔
انہوں نے یہ بھی کہا کہ سندھ کو گیس نہیں دیں گے، بجلی نہیں دیں گے تو کیا ٹرانسفارمر کا اچار ڈلے گا۔
وزیراعلیٰ سندھ سید مراد علی شاہ نے کہا ہے کہ سوئی سدرن گیس کمپنی کو ایک ارب روپے کی بینک گارنٹی دینے کے لیے تیار ہیں لیکن پہلے وہ معاہدہ تو کریں۔
انہوں نے کہا کہ اگر کوئی یہ کہتا ہے کہ اُن میں گیس کو بند کرنے کی طاقت نہیں تو یہ اس کی بھول ہے، انہیں یہ اختیار اور طاقت آئین دیتا ہے۔