داعش نے دعوی کیا ہے کہ انہوں نے 24 مئی کو جناح ٹاوٗن کوئٹہ سے اغوا کئے گئے چائینیز جوڑے کو قتل کر دیا یے یہ دعوی عسکریت پسندوں کی نیوز ایجنسی عماق کی طرف سے کیا گیا ہے ۔
گزشتہ مہینے نامعلوم مسلح افراد نے اس جوڑے کو کوئٹہ سے اغوا کیا تھا۔ یہ دونوں باشندے بلوچستان میں لسانیات کے اساتذہ کی حیثیت سے کام کر رہے تھے ۔ تاہم بلوچستان کی حکومت نے کہا ہے کہ ابھی تک خبر کی تصدیق نہیں ہو سکی ہے ۔ واضح رہے کہ پاکستان کے وزیر داخلہ کئی مرتبہ پاکستان میں داعش کی موجودگی کے امکان کو رد کر چکے ہیں۔