عوامی تحریک کے سربراہ ڈاکٹر طاہر القادری نے پاناما لیکس پر بنائی گئی جے آئی ٹی کو نون لیگ کا الیکشن سیل قرار دیدیا ، ان کا کہنا تھا کہ جے آئی ٹی ن لیگ کا آئندہ الیکشن منشور تیار کر رہا ہے ، تصویر لیکس ڈرامہ ہے ، طاہر القادری کے byکئی ماہ بعد لاہور پہنچنے پر ائیرپورٹ پر کارکنوں کی بڑی تعداد نے استقبال کیا ۔
میڈیا سے گفتگو میں پاناما پر بنائی گئی جے آئی ٹی کو آڑے ہاتھوں لیا اور کہا جے آئی ٹی سے کوئی توقع نہیں ۔ تصویر لیکس سے متعلق سوال پر طاہر القادری نے کہا یہ ایک ڈرامہ ہے اور ایک فلم کے پلاٹ سے کم نہیں ۔ طاہر القادری نے کہا انقلاب آئے گا ، تبدیلی آئے گی اور ملک کا مقدر بدلے گا۔ سربراہ عوامی تحریک نے کہاکہ قصاص پر خاموش نہیں رہیں گے ، حوصلہ ہارنے والے نہیں مرتے دم تک جنگ لڑتے رہیں گے
