’بجرنگی بھائی جان‘ کی اداکارہ کو 2 سال قید کی سزا

بولی وڈ کی کامیاب فلم ’بجرنگی بھائی جان‘ میں کرینہ کپور خان کی والدہ کا کردار ادا کرنے والی معروف ہندوستانی ٹی وی اداکارہ الکا کوشل کو پنجاب کی ضلعی عدالت کی جانب سے 2 سال قید کی سزا سنا دی گئی۔

انڈین ایکسپریس کی ایک رپورٹ کے مطابق اداکارہ نے اوتار سنگھ نامی شخص سے 50 لاکھ ہندوستانی روپے ادھار لیے تھے، یہ پیسے ایک ڈرامہ بنانے کا وعدہ کرکے لیے گئے تاہم بعدازاں ایسا ہو نہ پایا۔

جب اوتار سنگھ نے الکا سے اپنے 50 لاکھ روپے مانگے تو انہوں نے دو 25، 25 لاکھ کے چیک انہیں دیے تاہم یہ دونوں ہی بینک کی جانب سے بوگس (جعلی) قرار پائے۔

اوتار سنگھ کی جانب سے درج کرائی گئی شکایت کے بعد عدالت نے الکا کو ان کے 25 لاکھ کے دونوں چیک باؤنس ہونے پر منی لانڈرنگ کے الزام میں سزا سنائی۔

رپورٹ کے مطابق الکا کوشل کے ساتھ ساتھ ان کی والدہ کو بھی عدالت نے 2 سال قید کی سزا سنائی۔

خیال رہے کہ الکا کوشل فلم ’کوئین‘ میں بھی کنگنا رناوٹ کی والدہ کا کردار ادا کرچکی ہیں، اس کے علاوہ وہ کئی مشہور ہندوستانی ڈراموں میں بھی جلوہ گر ہوئیں۔

Facebook
Twitter
LinkedIn
Print
Email
WhatsApp

Never miss any important news. Subscribe to our newsletter.

مزید تحاریر

تجزیے و تبصرے