شام: درعا میں بم دھماکا، 23 باغی ہلاک، 20 زخمی

شام کے صوبے درعا میں طاقت ور بم دھماکے میں 23 شامی باغی ہلاک اور 20 زخمی ہوگئے ہیں۔

میڈیا رپورٹس کے مطابق درعا میں حکومت مخالف جنگجوں کے ہیڈکوارٹر کے قریب ایک بم دھماکے میںدو درجن کے قریب باغی ہلاک ہوئے ہیں۔

شامی تنازعے پر نگاہ رکھنے والی تنظیم سیریئن آبزرویٹری فار ہیومن رائس کے مطابق یہ دھماکا ایک خودکش بمبار کے ذریعے جیش الاسلام نامی باغی گروپ کے ایک اجلاس کے وقت کیا گیا۔

آبزرویٹری کے مطابق اس واقعے میں دیگر 20 افراد زخمی بھی ہوئے ہیں۔

جیش الاسلام سلفی مسلمانوں کی عسکری تنظیم ہے، جو دمشق کے قریبی علاقے دوما اور جنوبی شامی علاقوں میں سرگرم ہے۔

خبر رساں ادارے ڈی پی اے کے مطابق اس گروپ کو سعودی تعاون حاصل رہا ہے۔

Facebook
Twitter
LinkedIn
Print
Email
WhatsApp

Never miss any important news. Subscribe to our newsletter.

مزید تحاریر

تجزیے و تبصرے