نوازشریف سپریم کورٹ اور نیب پر دبائو ڈالنا چاہتے ہیں ، عمران خان

چیئرمین پاکستان تحریک انصاف عمران خان نے کہا ہے کہ نواز شریف کو سپریم کورٹ کے پانچ ججوں نے نااہل کردیا، جی ٹی روڈ پر پچھلے دنوں ڈرامہ کیا گیا، نواز شریف کی دکھ بھری تقریر سنی کہ مجھے کیوں نکالا گیا، نواز شریف کہتے ہیں انہیں عوام نے مینڈیٹ دیا، انہیں نکالنے والے جج کون ہوتے ہیں۔ یہ سب کچھ وہ عدالت پر دبائو ڈالنے کے لیے کررہے ہیں۔

راولپنڈی کے لیاقت باغ میں عوامی مسلم لیگ اور پی ٹی آئی کے مشترکا جلسے سے خطاب کرتے ہوئے عمران خان کا کہنا تھا کہ 6 ماہ سے عدالت نواز شریف کے خلاف تحقیقات کررہی تھی، نواز شریف کا یہ ڈرامہ سپریم کورٹ اور نیب پر دبائو ڈالنے کیلئے کیا جارہا ہے۔
ان کا کہنا تھا کہ نواز شریف اداروں کے خلاف بات کررہے ہیں، انہوں نے 30 سال سے اداروں پر قبضہ کر رکھا تھا۔
چیئرمین تحریک انصاف نے کہا کہ نیب نے حدیبیہ پیپرز کیس میں ابھی تک اپیل نہیں کی، آرمی چیف نے 3 مرتبہ کہا ہے کہ فوج جمہوریت، آئین اور اداروں کے ساتھ کھڑی ہے۔

عمران خان نے کہا کہ میں آپ سے ایک وعدہ لینا چاہتا ہوں، سچے لوگ بنو، سچ بولنا سیکھو، جو لوگ سچ بولتے ہیں اللہ ان کی عزت کراتا ہے، جو جھوٹ بولتا ہے انسان اس کی عزت نہیں کرتے، مجھے آپ سے توقع ہے کہ ہمیں سچ بولنا سیکھنا ہے۔

انھوں نے کہا کہ میں نے کرکٹ میں پاکستان کی حکمرانی سے لے کے کینسر اسپتال قائم کرنے تک کا جو خواب دیکھا وہ پورا کیا۔یہ اللہ تعالیٰ کی طرف سے عطا کردہ عزت ہے، ہم زرعی ، صنعتی اور ہر قسم کی پالیسی بنائیں گے اور غربت کا خاتمہ کرینگے، میرٹ کا نفاذ کرینگے۔

Facebook
Twitter
LinkedIn
Print
Email
WhatsApp

Never miss any important news. Subscribe to our newsletter.

مزید تحاریر

تجزیے و تبصرے