گیارہ ہزار پاکستانی طالب علم امریکا پہنچ گئے

رابعہ سید 

آئی بی سی اردو، اسلام آباد

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

USEFP

یوایس ایجوکیشنل فاؤنڈیشن فاؤنڈیشن کے تعاون سے امریکہ میں پاکستانی اسٹوڈنٹس کی تعدادگیارہ ہزار تک پہنچ گئی۔

یوایس ایجوکیشنل فاؤنڈیشن فاؤنڈیشن نے حصول تعلیم کیلئے امریکہ جانے والے 80اسٹوڈنٹس کے اعزاز میں اسلام آباد میں تقریب کا اہتمام کیا

امریکی کلچرل اتاشی جوڈی راون نے کہا ہے کہ پاکستانی طلباء امریکی جامعات میں داخلہ لے کر بہتر استفادہ کر سکتے ہیں ۔

انہوں نے کہا کہ یوایس ایجوکیشنل فاؤنڈیشن کے تعلیمی شعبے میں شاندار خدمات کی بدولت دونوں ممالک کے عوام کے درمیان تعلقات کے فروغ میں بہتری آئی ہے ۔

یوایس ایجوکیشنل فاؤنڈیشن فاؤنڈیشن کے زیراہتمام امریکا میں اعلیٰ تعلیم کے لیے جانے والے 80 پاکستانی طلباء کے اعزاز میں تقریب سے خطاب کر رہے تھے ۔

انہوں نے کہا کہ کہ رنگانگ ثقافتوں سے بھرپور امریکہ میں دنیا کے ہر خطے سے تعلق رکھنے والے باشندے رہائش پذیر ہیں۔

امریکی عوام فعال، آزاد اور انفرادیت پسند طرززندگی کے قائل ہیں۔

امریکی کلچرل اتاشی نے کہا کہ پاک امریکہ طلباء تبادلہ پروگرام سے طلبہ کو مختلف باشندوں سے ملاقاتیں اور تعلقات قائم کرنے کا موقع ملے گا ۔

ایگزیکٹو ڈائریکٹر یوایس ایجوکیشنل فاؤنڈیشن فاؤنڈیشن ریٹا اختر نے تازہ اعدادو شمار کے حوالے سے بتایا کہ امریکہ میں پاکستانی اسٹوڈنٹس کی تعداد 11ہزار تک پہنچ گئی ہے جو کہ گزشتہ سال کی نسبت 3.4فیصد زیادہ ہے۔

انہوں نے اضافے کو پاکستان اورامریکہ کے مابین تعلیمی شعبے میں تعاون کے حوالے سے مثبت قرار دیا۔

یوایس ایجوکیشنل فاؤنڈیشن فاؤنڈیشن کے کنٹری کوآرڈینیٹر عمیر خان نے امریکہ سے متعلقہ سفری دستاویزات، کیمپس لائف، معاشرتی زندگی کے حوالے سے مختلف موضوعات پر تبادلہ خیال کرتے ہوئے کہا کہ سیلف فنانس اور اسکالرشپ پروگرام کے تحت ٹوٹل 180پاکستانی اسٹوڈنٹس کیلئے ایسی ہی تقریبات کا اہتمام کراچی اور لاہور میں بھی کیا جائے گا۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ibcurdu@yahoo.com

Facebook
Twitter
LinkedIn
Print
Email
WhatsApp

Never miss any important news. Subscribe to our newsletter.

مزید تحاریر

تجزیے و تبصرے