سابق وزیر اعظم نواز شریف نے فیض آباد دھرنا آپریشن میں ناکامی پر برہمی کا اظہار کیا ہے۔
نواز شریف کی زیر صدارت ن لیگ کا غیر رسمی مشاورتی اجلاس ہوا جس میں حکومتی اور اتحادی جماعتوں کے رہنما شریک ہوئے ۔
اجلاس سے پہلے محمود خان اچکزئی نے نواز شریف سے ملاقات کی جس میں محمود اچکزئی نے پیپلز پارٹی سے رابطے سے نواز شریف کو آگاہ کیا ۔
اجلاس میں زاہد حامد کے استعفے کے بعد کی صورتحال اور شریف فیملی کے خلاف زير سماعت مقدمات پر بات چیت کی گئی ۔
نواز شریف نے فیض آباد دھرنے کے خلاف آپریشن میں ناکامی پر برہمی کا اظہار بھی کیا ، اس معاملے پر وزیر داخلہ احسن اقبال اور وزیر مملکت طلال چودھری سےعلیحدگی میں ملاقات بھی کی ۔
اجلاس میں نئی حلقہ بندیوں سے متعلق آئینی ترمیم پر بھی تبادلہ خیال کیا گیا۔
