سبوخ سید
اسلام آباد
۔ ۔ ۔ ۔ ۔
معروف ماہر قانون اور سپریم کورٹ کے سینئر وکیل بیرسٹرعبد الحفیظ پیر زادہ منگل کی شب لندن کے ایک اسپتال میں انتقال کر گئے
بیرسٹرعبد الحفیظ پیر زادہ علالت کے باعث جولائی کے مہینے سے لندن کے اس اسپتال میں زیر علاج تھے
عبد الحفیظ پیر زادہ 1941 میں کراچی میں پیدا ہوئے اور 74 برس کی عمر میں فوت ہو گئے ۔
وہ 1970 کے انتخابات میں رکن قومی اسمبلی منتخب ہوئے ۔
وہ سندھ کے سابق وزیر اعلیٰ عبدالستار پیرزادہ کے بیٹے اور پاکستان پیپلز پارٹی کے 30 بانی ارکان میں سے ایک تھے۔
پیر زادہ پیپلز پارٹی چئیرمین ذولفقار علی بھٹو کے قریبی ساتھی ،معاون اور مشیربھی تھے
انہوں نے پی پی پی کے پلیٹ فارم سے 1970 اور 1977 کے انتخابات میں حصہ لیا اور ذوالفقار علی بھٹو کی کابینہ کے سینئر رکن رہے۔
بیرسٹرعبد الحفیظ پیر زادہ وفاقی وزیر قانون و انصاف ، وزیر خزانہ اور وزیرتعلیم بھی رہ چکے ہیں ۔
انہوں نے 1973 کا آئین تحریر کیا تھا، جسے پارلیمنٹ سے متفقہ منظوری ملی۔
انہوں نے کراچی سے ایل ایل بی کیا پھر سندھ یونی ورسٹی سے ایل ایل ایم کی ڈگری حاصل کی ۔
انہوں نے کراچی یونی ورسٹی سے ہی سیاسیات میں ایم ایس سی کی ڈگری حاصل کی ۔
انہیں قانونی امور اور آئین پاکستان پر دسترس حاصل تھی ۔
پیرزادہ نےآخری مرتبہ 2013 کے الیکشن میں مبینہ دھاندلی پر بننے والے عدالتی کمیشن میں پاکستا ن تحریک انصاف کے وکلا ٹیم کی سربراہی کی تھی
