اسلام آباد ( پریس ریلیز ) وفاقی دارلحکومت میں ملکی و غیر ملکی کھانوں کا تاریخی اور بڑا فیسٹیول جناح سپر میں واقع صفا گولڈ مال شاپنگ پلازہ میں تیئس مارچ سے شروع ہو گا ، صفا فوڈ فیسٹا کے نام سے یہ فیسٹیول تیس مارچ تک جاری رہے گا جس میں پاکستانی ، چائنیز اور دیگر مختلف دیسی اور مغربی کھانوں کی مختلف ورائٹی دستیاب ہو گی ، چوبیس اور پچیس مارچ کو پہلی مرتبہ صفا گولڈ مال میں خصوصی طور پر مختلف قسم کے ناشتہ (بریک فاسٹ) بھی دیئے جائیں گے ، فیسٹیول کے دوران دو لاکھ روپے سے زائد کے فوڈ کوپن دیئے جائیں گے جبکہ لایئو میوزک سے بھی شرکاء محفوظ ہو سکیں گے ، صفا گولڈ مال اسلام آباد کا بڑا شاپنگ پلازہ ہے جو اسلام آباد کے سب سے زیادہ مصروف ترین سیکٹر ایف سیون مرکز جناح سپر میں واقع ہے ، جہاں ملکی و غیر ملکی شہریوں کی بڑی تعداد روزانہ شاپنگ اور تفریح کے لیے آتی ہے