ملک بھر میں سرکاری ملازمتوں پر پابندی عائد

اسلام آباد: الیکشن کمیشن آف پاکستان نے عام انتخابات سے قبل ملک بھر میں سرکاری اداروں میں بھرتیوں پر پابندی عائد کردی۔

عام انتخابات 2018 کو شفاف بنانے کے لئے الیکشن کمیشن نے حکم نامہ جاری کردیا جس کے تحت ملک بھر میں سرکاری ملازمتوں میں بھرتی پر پابندی عائد کردی گئی۔

الیکشن کمیشن کا کہنا ہے کہ فیڈرل پبلک سروس کمیشن اور صوبائی پبلک سروس کمیشن کے تحت بھرتیوں پرپابندی نہیں ہوگی جب کہ ترقیاتی اسکیموں کے فنڈز کسی دوسری مد میں منتقل نہیں کئے جاسکیں گے، یکم اپریل کے بعد سے منظور کردہ ترقیاتی منصوبوں پر کام نہیں ہوسکے گا۔

الیکشن کمیشن کے مطابق یکم اپریل کے بعد گیس پائپ لائنز کی تنصیب ،سڑکوں کی کارپٹنگ ،واٹر سپلائی اسکیمز پر عملدرآمد روک دیاگیا جب کہ تمام وزارتوں اور محکموں کو الیکشن کمیشن کے فیصلے سے آگا ہ کردیاگیا ہے۔

Facebook
Twitter
LinkedIn
Print
Email
WhatsApp

Never miss any important news. Subscribe to our newsletter.

مزید تحاریر

تجزیے و تبصرے