محکمہ صحت پنجاب کی خریدی گئی 100 سے زائد ادویات غیر معیاری قرار

لاہور: محکمہ صحت پنجاب کی جانب سے سرکاری اسپتالوں میں مفت فراہمی کے لئے خریدی گئی ادویات کے لیب ٹیسٹ کے نتائج سامنے آگئے جس کے مطابق 100 سے زائد ادویات غیرمعیاری ہیں۔

ڈائریکٹر ڈرگ ٹیسٹنگ لیب محمد شفیق کے مطابق 6 ماہ کے دوران 100 سے زائد ادویات غیرمعیاری قرار دی گئی ہے جب کہ ادویات کے نمونے 107 سرکاری اسپتالوں سے حاصل کیے گئے۔

دوسری جانب ترجمان ڈرگ یونٹ کا کہنا ہے کہ غیر معیاری ادویات کو فوری طور پر اٹھانے کی ہدایت کردی جبکہ 80 غیر معیاری ادویات کے مخصوص بیجز پر پابندی عائد ہے جن میں سے 45 ادویات سے متعلق سیفٹی الرٹ جاری کردیے۔

ترجمان کا کہنا ہے کہ غیرمعیاری ادویات میں دل، ہیپا ٹائیٹس،جسم کے درد، گلے، تیزابیت اور اینٹی بایئوٹک شامل ہیں۔

ترجمان ڈرگ یونٹ کا مزید کہنا ہے کہ ادویات کے ٹیسٹ پنجاب حکومت کی ہدایت پر کیے گئے اور تحقیق کریں گے کہ ادویات کو کتنے درجہ حرارت میں رکھا گیا ہے۔

Facebook
Twitter
LinkedIn
Print
Email
WhatsApp

Never miss any important news. Subscribe to our newsletter.

مزید تحاریر

تجزیے و تبصرے