سعودی عرب کے شاہ سلمان بن عبدالعزیز نے حرم شریف میں کرین حادثے میں جاں بحق افراد کے لواحقین اور زخمیوں کے لیے امداد کا اعلان کیا ہے۔
رپورٹ کے مطابق کرین حادثے میں شہیدوں کے لواحقین کے لیے فی خاندان 10لاکھ ریال (پاکستانی 2کروڑ 78لاکھ روپے) امداد دی جائے گی۔اسی طرح حادثے میں معذور ہونےوالوں کیلئے فی کس 10لاکھ ریال (پاکستانی 2کروڑ 78لاکھ روپے)امداد دینے کا اعلان کیا گیاہے۔
حرم شریف میں کرین حادثے کے زخمیوں کیلئےفی کس 5لاکھ ریال(پاکستانی 1کروڑ 39 لاکھ روپے) دینے کا اعلان کیا گیاہے۔تیز آندھی کے دوران حرم شریف میں پیش آئے کرین حادثے میں 111افراد جاں بحق جبکہ درجنوں زخمی ہوئے تھے