افغان طالبان کی جانب سے کہا گیا ہے کہ عیدالفطر کے موقع پر کی جانے والی تین روزہ فائربندی میں توسیع نہیں کی جائے گی۔ ہفتے کے روز افغان صدر اشرف غنی کی جانب سے طالبان کے خلاف فائربندی میں توسیع کا اعلان کیا گیا تھا۔ طالبان کے ترجمان ذیبح اللہ مجاہد نے خبر رساں ادارے اے ایف پی کو بتایا کہ عید کے موقع پر کی جانے والی فائربندی آج شب ختم ہو جائے گی اور طالبان اپنی کارروائیوں کا دوبارہ آغاز کر دیں گے۔