خاندانی ذرائع کے مطابق شیخ راشد بن محمد بن راشد المکتوم کی وفات حرکت قلب بند ہو جانے کے باعث ہوئی۔
دبئی میں تین روزہ سوگ کا اعلان کر دیا گیاہے اور متحدہ عرب امارات کے پرچم تین دن تک سرنگوں رہیں گے۔
متوفی شیخ راشد عرب امارات کے وزیر اعظم اور دبئی کے حکمران شیخ محمد بن راشد المکتوم کے سب سے بڑے بیٹے تھے ، ان کی عمر 34 برس تھی ۔
عرب میڈیا کے مطابق شیخ راشد کی نماز جنازہ مغرب کے بعد دبئی کی زیبل مسجد میں ادا کی جائے گی اور ان کی تدفین ام حریر قبرستان میں کی جائے گی۔
شیخ راشد بن محمد بن راشد المکتوم کو شعر و شاعری اور کھیلوں سے خاص شغف تھا اور وہ دبئی میں مقبول اور ہر دلعزیز تھے ۔