سندھ سے پہلی بار قومی اسمبلی کیلئے جنرل نشست پر ہندو امیدوار کامیاب

25 جولائی کو ہونے والے عام انتخابات کے اگرچہ تاحال حتمی نتائج سامنے نہیں آئے، تاہم سامنے آنے والے غیر سرکاری نتائج کے مطابق کئی بڑے سیاستدانوں کو بھی شکست کا سامنا کرنا پڑا ہے۔

اسی طرح اس بار انتخابات میں کئی ایسے سیاستدان بھی جیت کر سامنے آئے ہیں، جن کے جیتنے کی امید کم تھی۔

اس بارعام انتخابات میں صوبہ سندھ سے قومی اسمبلی کے حلقے این اے 222 تھرپارکر سے پہلی بار ایک ہندو سیاستدان جنرل نشست پر کامیابی حاصل کرلی ہے۔

بختاور بھٹو زرداری نے بھارتی صحافی ادیتیا راج کول کی ٹوئیٹ کو ری ٹوئیٹ کیا، جس میں دعویٰ کیا گیا کہ مہیش کمار ملانی جنرل نشست پر کامیاب ہونے والے قومی اسمبلی کے پہلے امیدوار ہیں۔

اس حلقے سے مجموعی طور پر 14 امیدوار میدان میں اترے تھے، جن میں سے سابق وزیراعلیٰ سندھ ارباب غلام رحیم، گرینڈ ڈیموکریٹک الائنس (جی ڈی اے) کے ارباب ذکاء اللہ اور تحریک لبیک پاکستان کے محمد رمضان اور آزاد خاتون امیدوار تلسی بالانی شامل تھیں۔

تاہم اس حلقے کے حتمی نتائج تاحال سامنے نہیں آئے۔

Facebook
Twitter
LinkedIn
Print
Email
WhatsApp

Never miss any important news. Subscribe to our newsletter.

مزید تحاریر

تجزیے و تبصرے