آمدِ سیدِ عالم کی آمد کی خوشی میں کیا کریں؟

آمدِ سیدِ عالم (صلہ علیہ و سلم )کی آمد کی  خوشی میں کیا کریں؟

گزشتہ شب میں راولپنڈی کے ایک مشہور بازار سے گزررہا تھا ۔۔۔۔۔۔۔۔۔ میری نظر ایک بینک کی مرکزی شاخ پر پڑی ۔۔۔۔۔ عمارت کو خوبصورت برقی قمقموں سے سجایا گیا تھا ۔۔۔۔۔۔۔۔ ایک لمحے کو میں رُک کرنے سوچنے لگا کہ اس کی وجہ کیا ہے ؟ تو اچانک مجھے یاد آیا کہ یہ سجاوٹ سید الانبیاء کے دُنیا میں جلوہ افروز ہونے کی خوشی میں ہے ۔۔۔۔۔۔۔۔۔ سجانے والے کی نیت میں شک کرنا بھی کسی طور صحیح نہیں ۔۔۔۔۔۔۔۔۔۔۔ لیکن کیا یہ سجاوٹ حضور علیہ سلام سے ” مُحبت ” تھی یا ” مذاق” ؟۔۔۔۔۔۔۔۔۔۔۔۔۔۔۔۔ وہ بینک جس میں ہر روز دن میں دس گھنٹے حضور اکرم کے احکامات کی کُھلی خلاف ورزی کرتے ہوئے سودی لین دین بڑے ہی دھڑے سے کیا جاتا ہے۔۔۔۔۔۔۔۔۔۔۔۔ اور اِس سود کوجائز اور حلال قرار دینے کے لیے کچھ جُبے پگڑیوں کی جیبیں بھی بھر جاتی ہیں۔۔۔۔۔۔۔۔۔۔۔ سوال یہ پیدا ہوتا ہے کہ کیا حضور عمارت کے اندر ہونے والے گھناؤنے کام کو صرف چند قمقموں کے عوض نظر انداز کردیں گے؟۔۔۔۔۔۔۔۔۔۔۔۔۔۔۔۔

کیا ہی اچھا ہو کہ بینک سودی لین دین چھوڑ کر صرف خالص اور حلال کی طرف لگ جائیں ۔۔۔۔۔۔۔۔۔۔۔۔۔۔۔۔۔۔ کیا ہی بہتر ہوکہ بینک حضور علیہ کی آمد کی خوشی میں غرباء کے لیے چھوٹے مگر بلاسود قرضے جاری کریں۔۔۔۔۔۔۔۔ اور پھر اِس عمارت کو سجایا جائے ، اس عمارت کی پہچان بنے ” جی وہ بینک جہاں بلاسود قرضے ملتے ہیں ، وہ آج اس قدر خوبصورتی سے سجائی گئی ” ۔۔۔۔۔۔۔۔۔

خیر میں یہ سوچ کر آگے بڑھا تو دیکھا ایک تھانے کی عمارت پر کچھ قمقمے نظر آرہے تھے ۔۔۔۔۔۔۔۔۔۔۔۔ وہی تھانہ جہاں پر دن رات چھوٹے جرائم میں پکڑے گئے لوگوں پر تشدد کا بازار گرم کیا جاتا ہے۔۔۔۔۔۔۔۔۔۔ رشوت ستانی عام ہوتی ہے اور عورتوں کو جنسی تشدد تک کا سامنا کرنا پڑتا ہے ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کیا جب حضور علیہ سلام کے امتیوں کو خطاؤں سے زیادہ سزا دی جاتی ہوگی تو امامِ رحمت کی ناراضگی بڑھ نہ جاتی ہوگی؟  کیا ہی بہتر ہو کہ سیدنا امام محمد کی آمد کی خوشی میں اُن کی اُمت کے چھوٹے جرائم میں ملوث لوگوں کو رہا کردیا جائے۔۔۔۔۔۔۔۔۔۔۔۔۔۔۔ ویسے بھی آقا فرماگئے ہیں ، ” ریاست کے قوانین کو لوگوں کو ڈرانے کے لیے نہیں اُن کی مدد و نصرت کے لیے استعمال کرو”۔

خیر بات وہیں سے دوبارہ جاری رکھتا ہوں ۔۔۔۔۔۔۔۔۔۔۔۔۔ میرا گزر ایک شاپنگ پلازہ سے ہوا ، وہاں ایک بڑا سا پینا فلیکس آویزاں تھا ، جس میں ایک خاتون اور مرد آپس میں چیک کر کھڑے تھے ۔ اور وہ کسی کپڑے کے مشہور برینڈ کی مارکیٹنگ کررہے تھے ۔۔۔۔۔۔۔۔۔۔۔۔۔۔۔۔۔۔ خاتون کا لباس تقریبا” عریاں تھا ، جبکہ مرد و خاتون کے درمیان ایک ملی میٹر سے  بھی کم فاصلہ تھا ۔۔۔۔۔۔۔۔۔۔۔۔۔۔۔۔۔۔۔۔۔۔۔ اور برقی قمقمے مرو د خاتون کے جسم سے ہوتے ہوئے گزر رہے تھے ۔۔۔۔۔۔۔۔۔۔۔۔

ایک لمحے کو میں سوچنے لگ گیا کہ وہ عورت جس کا دوپٹہ آپ علیہ سلام نے پرچم بنا کر لہرایا ، وہ عورت جس کے لیے خود چادر بچھائی وہ عورت جس کے قدموں میں جنت رکھوائی ، اُس کی اس قدر تذلیل اور نمائش کا جان کر آقا کیوں کر خوش ہوں گے؟

کتنا ہی پیارا منظر ہو کر آقا کی ولادت کے دن لوگ مساجد یا کسی مقام پر جمع ہوجائیں ، کچھ وکلاء اور کچہریوں میں چلے جائیں اور سب کسی اسٹام فروش کی تلاش میں ہوں ، کوئی وجہ پوچھیں تو بولیں : ” بھائی ہمارے پیغمبر نے عورت کو جائیداد میں وارث بنایا ہے ہم اپنی ماں ، بہن بیٹی کو یہ حق دے کر آقا کو عظیم تحفہ دینے جارہے ہیں ۔۔۔۔۔۔۔۔۔۔۔۔۔۔۔۔۔۔۔۔۔

خیر شاپنگ پلازہ سے گزر کر میں دوسری جانب کو جانے لگا یعنی سڑک پار کرنے لگا تو دونوں اطراف کی سڑکوں کے بیچ میرا پاؤں برقی قمقموں کی تاروں کے بیچ پھنس گیا۔۔۔۔۔۔۔۔۔ میں حیران تھا کہ یہ کیا ماجرا ہے ۔۔۔۔۔۔۔ سوچنے پر پتہ چلا کہ یہ بھی کسی عاشق کی کارستانی ہے۔۔۔۔۔۔۔۔۔ ایک لمحے کو میں نے یہ سوچا کہ کاش ہم راستے بند کرنے کے بجائے آقا کے یومِ ولادت پر اِن راستوں کی پوری صفائی کرتے اور ان کو فرمانِ آقا کے مطابق پھلدار و پھول دار پودے لگاتے۔۔۔۔۔۔۔۔۔ خدا کے اٗگائے ہوئے پھولوں کی خوبصورتی کا بھلا یہ گوروں کے بنائے ہوئے بلب کیا مقابلہ کرسکتے ہیں ۔۔۔۔۔۔ لیکن اگر پھولوں کے گملوں پر برقی قمقمے لگائے جائیں تو خوبصورتی اور نکھار آجائے

خیر کافی دور سے راستہ پار کرکے میں ایک پکوڑے والے اسٹال کے قریب پہنچا ۔۔۔۔۔۔۔۔۔۔۔۔ پکوڑے والے نے لبیک یا رسول اللہ کا برقی قمقمہ لگایا ہوا تھا ،  یہ برقی قمقمہ ایک محنت کش کی حضور خاتم النبین کے ساتھ محبت کی علامت بن کر سامنے آرہا تھا ۔۔۔۔۔۔۔۔۔۔۔۔۔ لیکن میں نے جب غور کیا ، تو دیکھا کہ پکوڑے والا جس تیل میں پکوڑے تل رہا ہے وہ مضرِ صحت اور مارکیٹ میں بین ہوچکا ہے ۔۔۔۔۔۔۔۔۔۔۔۔ اگر وہی پکوڑے والا شخص صرف اللہ و رسول کی خوشنودی کے لیے صاف ستھرا اور صحت افزاء تیل استعمال کرنا شروع کردے تو خلقِ خدا کو فائدہ پہنچانے کے زمرے میں آکر کس قدر بُلند درجہ حاصل کرلے گا ؟۔۔۔۔۔۔۔۔۔

اکثردکاندار حضرات برقی قمقمے لگائے رکھتے ہیں ، اور برقی قمقمے لگانے میں کوئی حرج بھی نہیں اگر وہ ذاتی استعمال کی بجلی سے ہوں ، چوری کی بجلی کے نا ہوں ۔۔۔۔۔۔۔۔۔۔۔۔۔ کیا ہی خوب ہو کہ وہ اپنا ایک دن مکہ و مدینہ کے عظیم تاجر کے نام کرتے ہوئے یہ اعلان کردیں کہ آج صرف آج ہم قیمتِ خرید یا پھر پچاس فیصد منافع پر فروخت کریں گے۔۔۔۔۔۔۔۔۔

مجھے یاد ہے بچین میں جب اپنے ایک چچا زاد بھائی کے ساتھ اُس کی سکول کی تقریب میں کیا ۔ وہاں قانون ساز اسمبلی کے اسپیکر مدعو تھے ،۔۔۔۔۔۔۔۔۔۔۔۔۔۔ ہر طرف لاٹئیں ، جھنڈیاں ، اور پرچم سجائے گئے تھے ۔۔۔۔۔۔۔۔۔۔ اور اُن کی آمد پر ۔۔۔۔۔۔۔۔۔۔ تیرا ایک اشارہ حاضر ہے لہو ہمارا جیسے نعرے لگائے گئے ،،،،،،،،، بچپن میں تو یہ پروگرام ہمارے لیے تفریح کا سامان مہیا کرگیا ، لیکن بڑا ہونے پر اکثر یہ واقعہ مجھے یاد آیا ہے کہ ایک دنیاوی چھوٹے سے عہدیار کی آمد پر بھی ویسا ہی استقبال اور سید الانبیاء کی آمد پر بھی ویسا ہی استقبال ۔۔۔۔۔۔۔۔۔۔۔۔۔۔۔۔ کیا حضور کی شان اس سب سے بُلند نہیں ؟

کیا حضور کے لیے”کچھ خاص” اور کچھ ” ہٹ کر” نہیں ہونا چاہیے؟ ذیل میں کچھ باتوں کو بیان کیے دیتا ہوں ، جو پیغمبرِ آخرالزماں کو بہتر انداز میں خراجِ تحسین پیش کرسکتی ہیں ۔۔۔۔۔۔۔۔۔۔۔۔۔۔

1۔ بنجر جگہوں پر زیادہ سے زیادہ درخت لگا کر حضور کی ماحول دوست سوچ کو سلام کیجئے ۔

2۔ غرباء کو کھانا کھلا کر حضور کی غریب دوستی کو سراہیے۔

3۔ حج عمرے والے احباب کچھ مستحق لوگوں کو اپنے خرچ پر حج عمرہ کروائیں ۔

4۔ دکاندار منافع کم اور معیار زیادہ لائیں ۔۔۔۔۔۔۔۔ آمدِ پیغمبر کے مہینے میں خصوصی سیل لگائیں ۔

5۔ مالدار حضرات غریبوں کی مالی مدد اور سفید پوشوں کو بلاسود قرضے دیں۔

6۔ زکوٰۃ اور صدقات باقاعدگی سے ادا کریں ۔

۔۔7، آپ کو قیدی آزاد کرواکر بے حد خوشی حاصل ہوتی تھی ، ہم تھانوں میں جائیں وہ لوگ جو معمولی جرمانوں کی عدم ادائیگی کے باعث جیلوں میں ہیں اُنھیں چھڑا لائیں ۔۔۔۔۔۔۔۔۔۔۔۔۔۔۔۔۔

8۔ آمدِ پیغمبر کی خوشی میں گھروں کو سجانے کے ساتھ ساتھ صفائی کا بھی خصوصی اہتمام کریں اور صفائی کو برقرار بھی رکھیں ، اور گھر کا گند گلی میں ، گلی کا محلے اور محلے کا روڈ پر نہ پھینکیں ۔۔۔۔۔۔۔۔۔۔۔۔۔۔۔۔۔۔۔

9۔ اسٹالوں پر لگی جھنڈیاں ، نقشِ پاِ رسول کے ماڈل ، روضہِ رسول اور کعبہ اللہ کے ماڈل خردیں تو اُنھیں ہمیشہ سنبھال کررکھیں نہ کہ اُن کو 12 ربیع الاول کے بعد پھینک دیں ۔۔۔۔۔۔۔۔۔۔۔۔۔۔۔

10۔ میں نے ایک درجن سے زائد بار یہ نظارہ دیکھا کہ لوہے کا ڈھانچہ بنا کر اُس پر غلاف چڑھاکر روضہِ رسول کا ماڈل بنادیا گیا۔۔۔۔۔۔۔۔۔۔۔۔۔۔ اور دو دن گلیوں میں گھما کر پھر چھتوں پر پھینک دیا گیا ۔۔۔۔۔۔۔۔۔۔۔۔۔۔ اور عقیدت کے نام پر اس مقدس روضے کی تقدس کی پامالی کے مرتکب ہوئے۔۔۔۔۔۔۔۔۔۔۔۔۔۔۔ کیا ہی بہتر ہو کہ یہ سب ڈیجیٹل اسکرینز یا پروجیکٹرز پر دکھایا جائے۔۔۔۔۔۔۔۔۔۔۔۔۔۔۔۔۔۔۔۔۔

اگر سیدنا و سندنا رحمتِ عالم کی آمد کی خوشی میں ان سب باتوں پر عمل کرکے معاشرے میں لاگر کردیا جائے تو ہر ماہ، ماہِ ربیع الاول بن جائے اور ہر روز ”جشنِ ولادت ” منایا جاتا رہے ۔۔۔۔۔۔۔۔۔۔۔۔۔۔۔۔

Facebook
Twitter
LinkedIn
Print
Email
WhatsApp

Never miss any important news. Subscribe to our newsletter.

مزید تحاریر

تجزیے و تبصرے