لورالائی: ڈی آئی جی پولیس کے دفتر پر حملے میں 14 افراد زخمی، 2 حملہ آور ہلاک

کوئٹہ: لورالائی میں ڈی آئی جی پولیس کے دفتر میں حملے میں پولیس اہلکاروں سمیت 14 افراد زخمی ہوگئے جب کہ فورسز کی فائرنگ میں 2 حملہ آور مارے گئے۔

پولیس کے مطابق کوئٹہ کے علاقہ لورالائی میں ڈپٹی انسپکٹر جنرل پولیس کے دفتر پر نامعلوم مسلح افراد نے حملہ کیا اور فائرنگ کی جب کہ علاقے میں دھماکے کی آواز بھی سنی گئی۔

پولیس حکام کا بتانا ہےکہ ڈی آئی جی آفس میں فائرنگ سے 14 افراد زخمی ہوگئے جن میں 8 پولیس اہلکار بھی شامل ہیں جنہیں فوری طبی امداد کے لیے اسپتال منتقل کردیا گیا ہے جن میں سے 3 کی حالت تشویشناک بتائی جاتی ہے۔

پولیس کے مطابق واقعے کے بعد علاقے میں پولیس سمیت دیگر فورسز کے اہلکاروں کی نفری طلب کرلی گئی جب کہ علاقے کو گھیرے میں لے لیا گیا جب ڈی آئی جی سمیت 15 افسران و اہلکاروں کو بحفاظت دفتر سے نکال لیا گیا ہے۔

پولیس ذرائع کا کہنا ہےکہ ڈی آئی جی آفس میں چار مسلح افراد داخل ہوئے اور فائرنگ کی جس کے بعد پولیس کی جوابی فائرنگ سے 2 حملہ آور مارا گئے۔

Facebook
Twitter
LinkedIn
Print
Email
WhatsApp

Never miss any important news. Subscribe to our newsletter.

مزید تحاریر

تجزیے و تبصرے