فیصل آباد میں نوجوانوں کو نشے اور ان کی فحش ویڈیوز بنانے والا گروہ گرفتار

فیصل آباد کے علاقے مدینہ ٹاؤن میں لڑکے اور لڑکیوں کو نشے میں مبتلا کرنے اور ان کی فحش ویڈیوز بنانے والے تین ملزمان کو گرفتار کرلیا گیا۔

رپورٹ کے مطابق نوجوانوں کی فحش ویڈیوز اور اور نشے کا عادی بنانے والے نیٹ ورک کے چنگل سے ایک 15 سالہ نوجوان لڑکا فرار ہو کر پولیس کے پاس پہنچا اور بتایا کہ بلال نامی ملزم منشیات فروشوں کے ایک نیٹ ورک کے ساتھ آئس نشے کی فروخت میں ملوث ہے۔

پولیس نے نوجوان کی اطلاع پر کارروائی کرتے ہوئے گروہ کے تین ملزمان کو حراست میں لے لیا، ایس ایس پی آپریشن اسماعیل الرحمان کے مطابق آئس کی فروخت میں ملوث اس نِیٹ ورک کے تین ملزمان کو گرفتار کیا گیا ہے۔

اسماعیل الرحمان کا مزید کہنا تھا کہ پورن ویڈیوز کے حوالے سے ایک بچہ ہمارے پاس آیا تھا جس کی اطلاع پر پورے نیٹ ورک کو حراست میں لے لیا ہے تاہم مزید تحقیقات کی جارہی ہے۔

پولیس کے پاس پہنچنے والے لڑکے نے بتایا کہ بلال نامی شخص لڑکوں اور لڑکیوں کو آئس نشے کا عادی بنا کر ان کی فحش ویڈیوز تیار کر کے انہیں بلیک میل کرتا ہے اور آئس نشے کی نقل و حمل اور فروخت کا کام لیتا ہے۔

لڑکے نے مزید بتایا کہ ملزم بلال خود کو پولیس کا قریبی اور کبھی ایس پی اور ڈی ایس پی قرار دیتا ہے اور کہتا ہے کہ وہ جو چاہے کر سکتا ہے، اس کے خلاف کوئی ایکشن نہیں لے سکتا۔

نوجوان نے پولیس کو مزید بتایا کہ ‘بلال نامی شخص کے پاس لڑکیاں بھی آتی ہیں اور لڑکیوں سے زیادتی بھی کرتا ہے جب کہ اس نے میرے ساتھ زیادتی بھی کروائی اور اس کی ویڈیو بھی بنائی ہے’۔

Facebook
Twitter
LinkedIn
Print
Email
WhatsApp

Never miss any important news. Subscribe to our newsletter.

مزید تحاریر

تجزیے و تبصرے