وزیر اعلی پنجاب میاں محمد شہباز شریف نے کہا ہے کہ بلدیاتی الیکشن میں ہار جیت کوئی معنی نہیں رکھتی اصل چیز جمہوری نظام کی فتح ہے۔
لاہور سے جاری ایک بیان میں وزیر اعلیٰ پنجاب محمد شہبازشریف کا کہنا تھا کہ بلدیاتی الیکشن میں پرامن پولنگ پر پولیس اور انتظامیہ مبارکباد کی مستحق ہے۔امن و امان برقرار رکھنے کے لیے پنجاب حکومت فول پروف انتظامات دیگر صوبوں سے انتہائی بہتر تھے۔
وزیر اعلیٰ نے کہا کہ بلدیاتی انتخابات سے جمہوریت اور جمہوری ادارے مزید مستحکم ہوں گے۔انہوں نے کہا کہ نیا پاکستان بنانے کی دعویدار خیبر پختونخوا حکومت کے بلدیاتی الیکشن میں بدترین انتظامات دیکھنے میں آئے اور قیمتی جانیں ضائع ہوئیں۔
انہوں نے کہا کہ اسلحہ کی نمائش کرنے والوں اور قانون ہاتھ میں لینے والوں سے آہنی ہاتھوں سے نمٹنا قابل تحسین ہے