شدید عوامی رد عمل: ائیرپورٹس پر سامان کی پلاسٹنگ ریپنگ کا فیصلہ واپس لے لیا گیا

اسلام آباد: سول ایوی ایشن اتھارٹی نے ائیرپورٹس پر سامان کی لازمی پلاسٹک ریپنگ کا حکم نامہ منسوخ کردیا۔

سول ایوی ایشن نے گزشتہ روز ایک نوٹی فکیشن جاری کیا تھا جس میں ملک کے تمام ائیرپورٹس پر مسافروں کے سامان کی پلاسٹک ریپنگ لازمی قراردی تھی …

سول ایوی ایشن اتھارٹی کے فیصلے کو سوشل میڈیا صارفین اور عوام کی جانب سے سخت تنقید کا نشانہ بنایا گیا تھا، عوام کا کہنا تھا کہ سول ایوی ایشن اتھارٹی کی جانب سے مسافروں کو سامان کی پلاسٹک ریپنگ پر مجبور کرنا غیر قانونی ہے اور دنیا میں شاید کہیں بھی ایسا نہیں ہوتا۔

عوامی تنقید کے بعد سول ایوی ایشن اتھارٹی سامان کی پلاسٹنگ ریپنگ کا فیصلہ واپس لینے پر مجبور ہوگئی۔

پلاسٹنگ ریپنگ کے احکامات کی منسوخی کے لیے سول ایشی ایشن اتھارٹی نے خط بھی جاری کردیا جس میں کہا گیا ہےکہ فیصلہ عوامی ردعمل اور ائیرپورٹس پر مسافروں کی مزاحمت کے پیش نظر کیا گیا۔

Facebook
Twitter
LinkedIn
Print
Email
WhatsApp

Never miss any important news. Subscribe to our newsletter.

مزید تحاریر

تجزیے و تبصرے