سابق سپیکر قومی اسمبلی ڈاکٹر فہمیدہ مرزا نے کہا ہے کہ آج پیپلز پارٹی کی قیادت ان لوگوں کے ہاتھ ہے جنہوں نے بی بی بے نظیر کی شہادت پر جشن منائے ،
میں نے ہر مشکل وقت میں پیپلز پارٹی اور بی بی بے نظیر کا ساتھ نبھایا ۔
کراچی ائیرپورٹ پر میڈیا سے گفتگو کرتے ہوئے ڈاکٹر فہمیدہ مرزا نے کہا کہ ذوالفقار مرزا نے صوبائی وزیر داخلہ ہوتے ہوئے بھی پیپلز پارٹی میں کرپشن پر کھل کر بات کی اور آج بھی کرپشن کے خلاف ہم میدان میں ہیں ۔
انہوں نے سندھ میں ہونے والے بلدیاتی انتخابات پر تحفظات کا اظہار کرتے ہوئے کہا کہ الیکشن کمیشن بلدیاتی امیدواروں کی حفاظت یقینی بنائے ،ہمیں کوئی نقصان پہنچا تو سندھ حکومت ذمہ دار ہو گی ۔
سندھ کے کرپٹ وزراءکو استعفیٰ دے دینا چاہئے ،عوام کرپٹ لوگوں کو قبول نہیں کریں گے ۔