سیلفی کے جنون میں مبتلا دو دوست ٹرین کے نیچے آگئے

گجرات میں سیلفی لیتے ہوئے دو دوست ٹرین کی زد میں آگے جس سے ایک موقع پر جاں بحق ہوگیا جب کہ دوسرا شدید زخمی ہوگیا۔

کھاریاں کے گاؤں بھاٹی کے رہائشی 19 سالہ مبین اور 30 سالہ ضعیم عباس شاہ گجرات سروس موڑ کے قریب ریلوے ٹریک پر سیلفی لے رہے تھے کہ اس دوران تیز رفتار ٹرین گزرنے سے وہ اپنا توازن کھوبیٹھے اور دونوں اس کی زد میں آگئے۔

حادثے کے نتیجے میں ضعیم شاہ موقع پر ہی جاں بحق ہوگیا جب کہ مبین شدید زخمی ہوا جسے ریسکیو ٹیم نے عزیز بھٹی شہید ٹیچنگ اسپتال منتقل کردیا ہے۔

واضح رہے کہ گزشتہ ہفتے اسلام آباد کی نجی یونیورسٹی میں حلیمہ نامی طالبہ مبینہ طور پر سیلفی لیتے ہوئے چھت سے گرکر ہلاک ہوگئی تھیں جسے پولیس نے حادثاتی موت قرار دیا۔

Facebook
Twitter
LinkedIn
Print
Email
WhatsApp

Never miss any important news. Subscribe to our newsletter.

مزید تحاریر

تجزیے و تبصرے