صارفین کو خوشخبری دی جاتی ہے کہ ان کی پسندیدہ فوٹو شیئرنگ ایپ انسٹاگرام کے ڈیسک ٹاپ ورژن میں ڈائریکٹ میسج فیچر کی سہولت فراہم کردی گئی ہے۔
مقبول فوٹو شیئرنگ ایپ انسٹاگرام کمپنی نے جنوری میں اعلان کیا تھا کہ وہ جلد انسٹا ویب کے لیے ڈائریکٹ میسج فیچر متعارف کروائی گی تاہم اب اس کی سہولت دنیا بھر کے صارفین کو دستیاب ہے۔
کمپنی کا کہنا ہے کہ انسٹاگرام کی ویب پر ڈائریکٹ میسج کا فیچر ویسا ہی کام کرے گا جیسے ایپ پر کرتا ہے۔
*Sliding into your DMs*
Now you can get and send Instagram Direct messages on desktop, no matter where you are in the world ? pic.twitter.com/CT2SwuxHTv
— Instagram (@instagram) April 10, 2020
تمام صارفین ویب پر بھی ڈی ایم فیچر کے ذریعے گروپ اور اپنے علیحدہ دوست سے با آسانی بات چیت کرسکیں گے۔
ویب پر ڈی ایم کا فیچر صارف کے پروفائل پیج پر واضح ہوگا اور ساتھ ہی ڈیسک ٹاپ پر ڈی ایم کا نوٹیفکیشن بھی دستیاب ہوگا مگر اس کے لیے صارف کو نوٹیفکیشن والے آپشن کو اپنے ویب براؤزر پر فعال کرنا پڑے گا۔
