[pullquote]نیا واٹس ایپ فیچر مزید صارفین کی پہنچ میں[/pullquote]
واٹس ایپ نے اپنے ویب ورژن کے بیٹا میں آڈیو اور ویڈیو کال کا فیچر مزید صارفین کو بھی فراہم کردیا ہے۔
ویب بیٹا انفو نامی اکاؤنٹ نے ٹوئٹر پر ایک پوسٹ کے ذریعے آگاہ کیا ہے کہ واٹس ایپ نے مزید صارفین کے لیے ویب اور ڈیسک ٹاپ پر آڈیو ویڈیو کال کی سہولت متعارف کروادی ہے۔
@WhatsApp voice and video calls are out from beta!
WhatsApp is rolling out calls for more users today on WhatsApp Web/Desktop 2.2104.10 release.
Note that it might still take some time to get the feature, but it's a good news. pic.twitter.com/OX7ddbv7tV— WABetaInfo (@WABetaInfo) March 4, 2021
ٹوئٹ میں مزید کہا گیا ہے کہ یہ فیچر آج نئی ریلیز کے ساتھ فراہم کیا جائے گا مگر تمام صارفین تک رسائی کے لیے واٹس ایپ مزید کچھ وقت لے گا۔
واضح رہے کہ بڑے پیمانے پر استعمال کی جانے والی میسنجنگ ایپ واٹس ایپ نے گزشتہ برس اعلان کیا تھا کہ وہ آئندہ برس براؤزر اور ڈیسک ٹاپ صارفین کے لیے آڈیو اور ویڈیو کال فیچر متعارف کروانے جا رہا ہے۔
اس سے قبل یہ بیٹا فیچر تھا جس تک رسائی چند صارفین تک کو ہی حاصل تھی۔
خیال رہے کہ اس فیچر کے ذریعے صارفین اسمارٹ فون کی طرح ڈیسک ٹاپ پی سی یالیپ ٹاپ پر بھی کال موصول کر سکیں گے۔
