پاکستان نے نیوزی لینڈ کو تیسرے میچ میں باآسانی 26 رنز سے شکست دے کر 5 ایک روزہ میچوں کی سیریز میں نہ صرف 0-3 کی برتری حاصل کی بلکہ سیریز بھی اپنے نام کرلی۔
کراچی میں کھیلے گئے سیریز کے تیسرے میچ میں نیوزی لینڈ کے کپتان ٹام لیتھم نے ٹاس جیت کر پاکستان کو پہلے بیٹنگ کی دعوت دی۔
پاکستان کے تجربہ کار اوپنرز نے 37 رنز کا آغاز فراہم کیا تاہم ہینری نے فخر زمان کو 19 کی انفرادی اننگز تک محدود کردیا۔
🚨 T O S S A L E R T 🚨
New Zealand win the toss and decide to bowl first 🏏 #PAKvNZ | #CricketMubarak pic.twitter.com/bSXiPKVovG
— Pakistan Cricket (@TheRealPCB) May 3, 2023
سیریز کے ابتدائی میچوں میں شاندار بیٹنگ کرنے والے فخر زمان کی 19 رنز کی اننگز 26 گیندوں پر مشتمل تھی، جس میں 4 چوکے شامل تھے۔
کپتان بابر اعظم نے امام الحق کے ساتھ اننگز آگے بڑھائی اور دونوں بلے بازوں نے اپنی نصف سنچریاں مکمل کیں۔
امام الحق نے 67 گیندوں پر اپنی نصف سنچری مکمل کی جو ان کے ایک روزہ کیریئر کی 16ویں نصف سنچری ہے۔
All class as @babarazam258 thumps a six over long-off 💥#PAKvNZ | #CricketMubarak pic.twitter.com/MjAkcdJAKA
— Pakistan Cricket (@TheRealPCB) May 3, 2023
اس کے بعد کپتان بابراعطم نے 58 گیندوں پر ایک روزہ کیریئر میں اپنی 26ویں نصف سنچری مکمل کی۔
.@ImamUlHaq12 brings up his 16th ODI half-century 👏
The second-wicket partnership with @babarazam258 is progressing nicely 🙌#PAKvNZ | #CricketMubarak pic.twitter.com/YPTAc2A7Rq
— Pakistan Cricket (@TheRealPCB) May 3, 2023
بابراعظم دوسری وکٹ پر 108 رنز کی اچھی شراکت قائم کرنے کے بعد ہینری کی گیند پر آؤٹ ہوئے تاہم انہوں نے 3 چوکوں اور ایک چھکے کی مدد سے 62 گیندوں پر 54 رنز کی اننگز کھیلی۔
Another fine fifty for @babarazam258 ✨
The Pakistan captain hits his 26th ODI half-century.#PAKvNZ | #CricketMubarak pic.twitter.com/rlIsM4gg5e
— Pakistan Cricket (@TheRealPCB) May 3, 2023
عبداللہ شفیق کو بیٹنگ کا موقع ملا تاہم وہ اس سے فائدہ اٹھانے میں ناکام رہے اور 23 گیندوں پر صرف 19 رنز بنا کر 182 کے اسکور پر امام الحق کا ساتھ چھوڑ گئے۔
امام الحق نے ذمہ دارانہ بیٹنگ کرتے ہوئے 107 گیندوں پر 7 چوکوں اور ایک چھکے کی مدد سے 90 رنز بنائے اور 10 رنز کے فرق سے اپنی سنچری مکمل نہ کرسکے۔
تجربہ کار اوپنر 38 ویں اوور کی آخری گیند پر ملنے کو وکٹ دے گئے اور اس وقت پاکستان کا اسکور 192 رنز تھا۔
محمد رضوان اور آغا سلمان نے کسی حد تک رنز بنانے کی رفتار تیز کردی اور ٹیم کا مجموعہ 46 اوورز میں 246 رنز تک پہنچایا۔
پاکستان کی جانب سے پانچویں آؤٹ ہونے والے بلے باز آغا سلمان تھے، جنہوں نے 29 گیندوں پر 3 چوکوں کی مدد سے 31 رنز بنائے تھے، وہ ہینری کی تیسری وکٹ بنے۔
محمد رضوان نے ایک چھکے کی مدد سے 34 گیندوں پر 32 رنز کی اننگز کھیلی اور 261 کے اسکور پر آؤٹ ہونے والے آخری بلے باز تھے۔
پاکستان نے مقررہ اوورز میں 6 وکٹوں پر 287 رنز بنائے۔
محمد نواز 9 گیندوں پر 11 اور شاداب خان 10 گیندوں پر 21 رنز بنا کر ناٹ آؤٹ رہے۔
.@76Shadabkhan's bright cameo takes Pakistan to 287-6 following brilliant half-centuries from @ImamUlHaq12 and @babarazam258 🎯
Over to the bowlers after the break.#PAKvNZ | #CricketMubarak pic.twitter.com/dnul8v4SZC
— Pakistan Cricket (@TheRealPCB) May 3, 2023
نیوزی لینڈ کی جانب سے میٹ ہینری نے سب سے زیادہ 3 وکٹیں حاصل کیں، ایڈم ملنے کو 2 اور کول میک کونچی کو ایک وکٹ ملی۔
نیوزی لینڈ کے اوپنرز نے ہدف کے تعاقب میں اچھی بیٹنگ کی اور پہلی وکٹ کی شراکت میں 83 رنز بنائے۔
ول ینگ آؤٹ ہونے والے پہلے بلے باز تھے جنہوں نے 41 گیندوں پر 3 چوکوں کی مدد سے 33 رنز بنائے تھے لیکن تیز رن لینے کی کوشش میں آغا سلمان کی بہترین فیلڈنگ کا نشانہ بنے۔
ڈیرل مچل 21 رنز بنا کر 113 کے مجموعے پر آؤٹ ہوئے۔
Bullseye! 🎯
Excellent work in the field from @SalmanAliAgha1 👏#PAKvNZ | #CricketMubarak pic.twitter.com/yDPff4tryA
— Pakistan Cricket (@TheRealPCB) May 3, 2023
ٹام بلینڈل اور ٹام لیتھم کے درمیان شراکت بھی مختصر رہی اور 128 کے اسکور پر نصف سنچری بنانے والے بلینڈل بھی رن آؤٹ ہوگئے۔
نیوزی لینڈ کی جانب سے تیسرے آؤٹ ہونے والے بلے باز ٹام بلینڈل نے 78 گیندوں کا سامنا کرکے 7 چوکوں کی مدد سے 65 رنز بنائے تھے۔
پاکستان کے فیلڈرز نے اچھی کارکردگی کا مظاہرہ کیا اور مہمان ٹیم کے بلے بازوں کو تیز رن لینے سے روکے رکھا اور اس پاداش میں وکٹیں بھی حاصل کرلیں۔
مارک چیپمین نے صرف 13 رنز بنائے تاہم انہوں نے کپتان کو اسکور 168 رنز تک پہنچانے میں مدد کی، چیپمین کو نسیم شاہ نے آؤٹ کیا۔
Direct hits aplenty! 💥
The fielders have been regularly targeting the stumps successfully today.#PAKvNZ | #CricketMubarak pic.twitter.com/2LH58xotZN
— Pakistan Cricket (@TheRealPCB) May 3, 2023
آغا سلمان نے باؤلنگ کرتے ہوئے ہینری نیکولس کی وکٹ اپنے نام کی اور ان کی اننگز ایک رن سے آگے بڑھنے کی اجازت نہیں دی۔
Top of off-stump…BANG 👊@iNaseemShah does the damage! #PAKvNZ | #CricketMubarak pic.twitter.com/Zby0wpf3DG
— Pakistan Cricket (@TheRealPCB) May 3, 2023
کیوی کپتان ٹام لیتھم نے 60 گیندوں پر 45 رنز بنائے اور ٹیم کو ہدف کے قریب لانے کی حتی الامکان کوشش کی لیکن ناکام ہوئے اور محمد وسیم نے ان کی وکٹیں بکھیر دیں۔
نیوزی لینڈ کی اننگز کے دوران پاکستان کے آل راؤنڈر محمد نواز انجری کا شکار ہوئے اور اپنا چھٹا اوور مکمل نہیں کرپائے۔
The bails go flying as @Wasim_Jnr makes a mess of the stumps! 🔥#PAKvNZ | #CricketMubarak pic.twitter.com/KedCxXHx9D
— Pakistan Cricket (@TheRealPCB) May 3, 2023
شاہین شاہ آفریدی نے 45 ویں اوور میں ایڈم ملنے کو بولڈ کرکے میچ میں اپنی پہلی وکٹ حاصل کی جبکہ نیوزی لینڈ کے ساتواں کھلاڑی 227 کے اسکور پر پویلین لوٹ گیا۔
نسیم شاہ نے 48 ویں اوور کی پہلی گیند پر ہینری شیپلے کی 6 رنز کی اننگز کا خاتمہ کیا۔
شاہین شاہ آفریدی نے 49 ویں اوور میں ایک رن بنانے والے اش سودھی کی اننگز کا خاتمہ کردیا اور مشکلات میں گھری نیوزی لینڈ کی ٹیم کو مزید دھچکا پہنچایا۔
نسیم شاہ نے آخری اوور کی پہلی گیند پر میٹ ہینری کو آؤٹ کرکے نیوزی لینڈ کی پوری ٹیم 261 رنز پر پویلین بھیج دی۔
نیوزی لینڈ کے کول میک کونچی نے آؤٹ ہوئے بغیر 63 رنز بنائے لیکن وہ اپنے ٹیم کو فتح نہ دلاسکے۔
پاکستان نے 26 رنز کے ساتھ مسلسل تیسری فتح اپنے نام کی اور سیریز میں فیصلہ کن برتری حاصل کرلی۔
محمد وسیم، شاہین شاہ آفریدی اور نسیم شاپ نے 2،2 کھلاڑیوں کو آؤٹ کیا۔
Series sealed 🙌
Victory achieved in the third ODI by 2️⃣6️⃣ runs as we extend the lead to 3️⃣-0️⃣ #PAKvNZ | #CricketMubarak pic.twitter.com/cfgmbxQz7F
— Pakistan Cricket (@TheRealPCB) May 3, 2023
اس سے قبل پاکستان نے میچ کے لیے ٹیم میں دو تبدیلیاں کیں اور شاہین شاہ آفریدی اور محمد وسیم کو فائنل الیون کا حصہ بنایا گیا ہے جبکہ نیوزی لینڈ نے بھی اپنی ٹیم میں چند تبدیلیاں کی تھیں۔
پاکستان کو پانچ میچوں کی سیریز کے ابتدائی میچوں میں 0-2 کی برتری حاصل تھی اور اس میچ میں فتح حاصل کرکے قومی ٹیم بت سیریز اپنے نام کر لیا۔
🚨 T O S S A L E R T 🚨
New Zealand win the toss and decide to bowl first 🏏 #PAKvNZ | #CricketMubarak pic.twitter.com/bSXiPKVovG
— Pakistan Cricket (@TheRealPCB) May 3, 2023
میچ کے لیے دونوں ٹیمیں ان کھلاڑیوں پر مشتمل تھیں۔
پاکستان: بابر اعظم (کپتان)، فخر زمان، امام الحق، محمد رضوان، عبداللہ شفیق، سلمان علی آغا، اسامہ میر، محمد نواز، شاہین شاہ آفریدی، محمد وسیم جونیئر اور نسیم شاہ۔
نیوزی لینڈ: ٹام لیتھم (کپتان)، ٹام بلنڈل، ولِ ینگ، ڈیرل مچل، مارک چیپمین، ہنری نکولس، کول میک کونچی، ایڈم ملنے، اش سودھی، میٹ ہنری اور ہنری شپلی۔
