پارلیمنٹ کے مشترکہ اجلاس میں پی آئی اے کو پبلک لمیٹڈ کمپنی بنانے کا بل منظور

پیر کے روزاسپیکر سردار ایاز صادق کی زیرصدارت پارلیمنٹ کا مشترکہ اجلاس ہوا۔اجلاس کے دوران اپوزیشن جماعتوں نے واضح کیا کہ ملازمین کے خلاف تمام مقدمات واپس لینے کے اعلان کے بعد ہی پی آئی اے بل کی حمایت کی جائےگی

پارلیمنٹ کے مشترکہ اجلاس میں پی آئی اے کو پبلک لمیٹڈ کمپنی بنانے کا بل منظور

پارلیمنٹ کے مشترکہ اجلاس میں پاکستان انٹرنیشنل ایئرلائن (پی آئی اے) کو پبلک لمیٹڈ کمپنی میں تبدیل کرنے کا بل منظور کرلیا گیا۔یہ بل وفاقی وزیر زاہد حامد نے پیش کیا تھا۔

پیر کے روزاسپیکر سردار ایاز صادق کی زیرصدارت پارلیمنٹ کا مشترکہ اجلاس ہوا۔اجلاس کے دوران اپوزیشن جماعتوں نے واضح کیا کہ ملازمین کے خلاف تمام مقدمات واپس لینے کے اعلان کے بعد ہی پی آئی اے بل کی حمایت کی جائےگی۔

حکومت نے حزب اختلاف کے بنیادی مطالبات پورے کئے تاہم بل کی منظوری کے دوران اے این پی نے واک آوٹ کیا۔

وزیر خزانہ اسحاق ڈار اور وزیر قانون زاہد حامد نے کہا کہ جو مقدمات عدالتوں میں نہیں وہ 24 گھنٹوں میں واپس لے لیے جائیں گے تاہم جو عدالتوں میں زیر سماعت ہیں اس پر کوئی یقین دہانی نہیں کراسکتے۔

پی آئی اے بل کے تحت قومی ایئرلائن کی نجکاری نہیں کی جائے گی۔ کمپنی کے زیادہ سے زیادہ 49 فیصد شیئرز فروخت کیے جاسکیں گے مگر انتظامی کنٹرول حکومت کے پاس ہی رہے گا۔

بل کے مطابق ملازمین کی تنخواہوں اور مراعات پر کوئی فرق نہیں پڑے گا۔

Facebook
Twitter
LinkedIn
Print
Email
WhatsApp

Never miss any important news. Subscribe to our newsletter.

مزید تحاریر

تجزیے و تبصرے