بہت جلد سینماؤں کی زینت بننے والی فلم ’ایکٹر ان لا‘ کا ٹریلر جاری کردیا گیا ہے۔ٹریلر لانچ کی تقریب میں فلم کی کاسٹ ڈائریکٹر اور پروڈیوسر نے میڈیا سے ملاقات کی۔
فلم کی ہدایات نبیل قریشی نے دی ہیں جبکہ اسے فضا علی مرزا نے پروڈیوس کیا ہے۔ اس فلم کو پاکستان اور بیرون ملک اردوون پکچرز کی جانب سے ڈسٹری بیوٹ کیا جائے گا۔فلم کے مرکزی اداکاروں میں فہد مصطفیٰ ، مہوش حیات اور علی خان کے علاوہ مشہو بھارتی اداکار اوم پوری شامل ہیں۔
سٹار لنکس اینڈ پی آر کی سی ای او شہناز رمزی کی جانب سے فلم کے مختصر تعارف کے بعد فلم کے ڈسٹری بیوٹرز اردو ون پکچرز کی نمائندہ نینا، ڈائریکٹر نبیل قریشی اور پروڈیوسر فضہ علی نے فلم کے حوالے سےگفتگو کی۔
ٹریلر دکھائے جانے کے بعد فلم کی کاسٹ فہد مصطفیٰ ، مہوش حیات اور علی خان نے شوٹنگ کے دوران ہونے والے دلچسپ واقعات، اپنے کرداروں، خاص طور پر اوم پوری کے ساتھ کام کے تجربات کے بارے میں بات کی۔
تقریب کے انتظامی فرائض سٹار لنکس اویونٹس اینڈ پی آرنے ادا کیے تھے۔ یہ فلم اس سال عید الاضحیٰ پر ریلیز کردی جائے گی۔
