پاکستان کی نوجوان نسل کے سماجی اور معاشرتی مسائل کو اجاگر کرنے کے لیے ہدایت کار رافع راشدی کی پہلی فیچر فلم ’تھوڑا جی لے‘ کی نمائش اس سال دسمبر میں متوقع ہے۔
’تھوڑا جی لے‘ کو پاکستان کی معروف ٹیلیویژن او سماجی شخصیت مہتاب اکبرراشدی پروڈیوس کررہی ہیں جو رافع راشدی کی والدہ اور ان کے کام امیں ان کی استاد بھی ہیں۔
فلم کا رحجان پاکستان میں بننے والی دیگر کمرشل فلموں کے مقابلے میں ایک آرٹ فلم کی طرف زیادہ ہے۔ رافع راشدی کے مطابق فلم میں کل چھ گانے شامل ہیں مگر کوئی بھی گانا کسی اداکار پر نہیں فلمایا گیا بلکہ تمام گانے پس پردہ میں سنائی دے رہے ہیں۔ فلم کی مویقی صہیب راشدی نے ترتب دی ہے۔
فلم کی تمام کاسٹ نئی ہے اور رضوان علی جعفری، بلال عباس اور فاطمہ شاہ جیلانی اہم کاسٹ میں شامل ہیں۔
تھوڑا جی لیں کی ریکارڈنگ مکمل ہوچکی ہے اور فلم اب پوسٹ پروکشن کے مراحل میں ہے۔
فلم کا ٹریلر ستمبر کے آخر یا اکتوبر کے شروع میں جاری ہونے کی توقع ہے۔